07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Կառավարությունը Սփյուռքի նախարարությանը 20 մլն դրամ կտրամադրի. հարցը ներառված է Կառավարության նոյեմբերի 9-ի նիստի օրակարգում
Տնտեսություն
07.11.2017 | 18:47
Կառավարությունը ՀՀ սփյուռքի նախարարությանը պետական բյուջեի պահուստային ֆոնդից կտրրամադրի 20 միլիոն դրամ: Հարցը ներառված է Կառավարության նոյեմբերի 9-ի նիստի օրակարգում:
Որոշման նախագծից տեղեկանում ենք, որ կառավարությունը Սփյուռքի նախարարությանը գումարը տրամադրում է բարձրագույն, նախնական և միջին մասնագիտական ուսումնական հաստատությունների սիրիահայ ուսանողներին 2017-2018 թվականների ուսումնական տարվա ուսման վարձեր հատկացնելու նպատակով:
2012 թվականից սկսած՝ յուրաքանչյուր տարի սիրիահայ ուսանողների ուսման վարձի փոխհատուցման համար ֆինանսական միջոցների հիմնական ծավալը տրամադրվել է «Գալուստ Գյուլբենկյան» հիմնարկության, Հայկական բարեգործական ընդհանուր միության և «Հայաստան» համահայկական հիմնադրամի կողմից:
Ցուցաբերած նյութական աջակցությունը բավարար չլինելու պատճառով սիրիահայ ուսանողների ուսման ամբողջ վարձը փոխհատուցելու նպատակով ֆինանսական միջոցներ են տրամադրվել նաև պետական բյուջեից:
2014 թվականին պետական բյուջեից տրամադրվել է 26, 160, 000, 2015 թվականին՝ 24,656, 000, 2016 թվականին՝ 20 մլն դրամ: Ներկայումս ուսման վարձի փոխհատուցման կարիք ունեն 302 սիրիահայ ուսանող, որոնց ուսման վարձը կազմում է 194,198,400 դրամ: Նրանցից 73 սիրիահայ ուսանողի վարձավճարի 60%-ը, որը կազմում է 20 մլն դրամ, առաջարկվում է վճարել ՀՀ պետական բյուջեի միջոցների հաշվին, իսկ մնացած ուսանողների ուսման վարձի փոխհատուցումը կկատարվի «Հայկական Բարեգործական Ընդհանուր Միություն» և «Գալուստ Գյուլբենկյան» հիմնարկության կողմից հատկացված միջոցների հաշվին:
