19.05.2024 | 21:31
Երևանում անցկացվել է «One Run-First Run» միջազգային խոշորագույն կիսամարաթոնը․ ԼՈՒՍԱՆԿԱՐՆԵՐ
ԿԸՀ է ներկայացվել ՏԻՄ ընտրությունների վերահաշվարկի 22 դիմում
Հասարակություն
07.11.2017 | 17:33
Սահմանված ժամկետում` մինչև այսօր ժամը 11-ը, թվով 8 տարածքային ընտրական հանձնաժողովներ են ներկայացվել նոյեմբերի 5-ին Հայաստանի 69 համայնքներում անցկացված տեղական ինքնակառավարման մարմինների քվեարկության արդյունքների վերահաշվարկի 22 դիմումներ:
Կենտրոնական ընտրական հանձնաժողովի մամուլի ծառայության հաղորդագրության համաձայն՝ թիվ 17, թիվ 18, թիվ 21, թիվ 24, թիվ 25, թիվ 26, թիվ 29 և թիվ 37 տարածքային ընտրական հանձնաժողովներ ներկայացված դիմումները վերաբերում են թվով 24 ընտրատեղամասերի:
Ծաղկահովիտի համայնքի ղեկավարի թեկնածու Գոռ Հունանյանի վստահված անձի կողմից թիվ 17 տարածքային ընտրական հանձնաժողով է ներկայացվել թիվ 17/41 տեղամասում քվեարկության արդյունքներն անվավեր ճանաչելու վերաբերյալ մեկ դիմում:
«Բոլոր դիմումները սահմանված կարգով և ժամկետներում կքննարկվենտարածքային ընտրական հանձնաժողովների կողմից», – ասված է ԿԸՀ հաղորդագրությունում:
