02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Նույն դասացուցակով դասերի կազմակերպումը հաճախ բերում է հավելյալ ծանրաբեռնվածության․ Արտակ Պողոսյան. ՏԵՍԱՆՅՈՒԹ
Հասարակություն
09.04.2020 | 12:35
Առցանց հանդիպումները նույնացվում են հեռավար կրթության հետ, սակայն հեռավար կրթությունը լայն է եւ կազմակերպվում է այլ մեթոդներով։ Այս մասին այսօր «Հեռավար կրթութության մարտահրավերներն ու հնարավորությունները արտակարգ դրության պայմաններում» ԱԺ հեռավար լսումների ընթացքում ասաց ԿԳՄՍՆ կրթական տեխնոլոգիաների ազգային կենտրոնի (ԿՏԱԿ) տնօրեն Արտակ Պողոսյանը։
«Մենք խորհուրդ ենք տալիս համակցել համաժամանակյա օնլայն մեթոդը այլ մեթոդի հետ, օրինակ՝ ուսուցիչը պետք է կարողանա պլանավորել ոչ թե օրվա դասը, այլ պլանավորում իրականացնել շաբաթական կտրվածքով, առանձնացնել թեմաները, համապատասխան նյութերը եւ փոխանցել որեւէ հարթակով, որն իրենց է հարմար։ Հանձնարարել երեխաներին, որ անցնելու ենք այս թեման, տալ որոշակի հղումներ, ասել՝ գնացեք այս վիդեոդասերը նայեք, ուղարկել եւ շաբաթվա ընթացքում մեկ անգամ ունենալ համաժամանակյա հանդիպում, տալ հանձնարարություն շաբաթվա համար, պատասխանել հարցերին, իսկ շաբաթվա վերջում անդրադառնալ չյուրացված հարցերին, փակել շաբաթը։ Այդպես դասը կազմակերպելու դեպքում կունենանք արդյունավետության բարձրացում, ռեսուրսների խնայում՝ ժամանակի, կապի միջոցների, ֆիզիկական ծանրաբեռնվածության թուլացում։ Ուսուցիչները եւ աշակերտները ամբողջ օրը չեն անցկացնի համակարգիչների դիմաց»,- նշեց Արտակ Պողոսյանը։
Մանրամասները՝ տեսանյութում։
