Քաղաքականություն
07.11.2017 | 19:57
Թուրքիայի վարչապետ Բինալի Յըլդըրըմը ԱՄՆ մեկնելուց առաջ, մամուլի ասուլիս է տվել, որտեղ խոսել է իսլամի քարոզիչ, ամերիկաբնակ միլիարդատեր Ֆեթթուլահ Գյուլենի արտահանձման մասին, ում Թուրքիայի իշխանությունները մեղադրում են երկրում իրականացված ռազմական հեղաշրջման փորձի մեջ. փոխանցում է ermenihaber-ը:
«Գյուլենի արտահանձման նպատակով ամեն ինչ արեցինք: Նրա վերաբերյալ փաստաթղթերը արդեն սենյակներ են զբաղեցնում: Եթե այդքան փաստաթղթերին ընթացք չի տրվում, ուրեմն նշանակում է այստեղ այլ խնդիր կա: Կարծում եմ, որ մենք նույնիսկ չափից ավելի շատ փաստաթղթեր տրամադրեցինք: Այդ իսկ պատճառով ակնկալում ենք, որ ԱՄՆ-ի դատաիրավական համակարգը գործի դնելով օրենքը, անհրաժեծտ քայլերը կանի»,-ըստ թուրքական «Yeniasya» լրատվամիջոցի՝ ասել է Թուրքիայի վարչապետը:
Յըլըդըրըմը նշել է, որ ԱՄՆ-ը կատարելիք այցի ընթացքում ամերիկացի պաշտոնյանների հետ կքննարկի նաև Սիրիայի քրդական ուժերի խնդիրը, որը հանդիսանում է խնդրահարույց հարց թուրք-ամերիկյան հարաբերություններում: Կքննարկվի նաև Սիրիայում և Իրաքում տիրող իրավիճակը:
Նշենք, որ Յըլդըրըմի հետ ԱՄՆ են մեկնելու Թուրքիայի փոխվարչապետ Մեհմեթ Շիմշեքը, արտգործնախարար Մևլութ Չավուշօղլուն, էներգետիկայի և բնական պաշարների նախարար Բերաթ Ալբայրաքը:
