03.07.2026 | 15:56
Ռուսական բանակն Ուկրաինայի մի քանի շրջաններում տների և բենզալցակայանների վրա է հարձակվել. զոհեր կան
Նալբանդյան-Նեթանյահու հանդիպումը դիվանագիտական երկկողմ հարաբերությունների ճեղքում կհանդիսանա. Արման Նավասարդյան
Քաղաքականություն
07.11.2017 | 15:15
ՀՀ արտաքին գերատեսչության ղեկավար Էդվարդ Նալբանդյանը Իսրայելում հանդիպել է Քնեսեթի նախագահ Յուլիա Էդելշտեյնի հետ: Կարևոր երկխոսություն է եղել այն ուղղությամբ, որ Հայաստանի ու Իսրայելի միջև պետք է սկսել ու զարգացնել երկկողմ հարաբերություններ. այսօր տեղի ունեցած մամուլի ասուլիսին ասաց արտակարգ և լիազոր դեսպան Արման Նավասարդյանը:
«Նալբանդյանը Իսրայելում անպայմանորեն կհանդիպի վարչապետ Նեթանյահուի հետ, ու կարծում եմ, որ սա կհանդիսանա դիվանագիտական երկկողմ հարաբերությունների ճեղքում: Եվ այն վրիպումը, որ տեղի է ունեցել վերջին 25 տարիների ընթացքում, կշտկվի»,- նշեց Նավասարդյանը:
Իսկ քաղաքագետ, Իսրայելի հարցերի փորձագետ, «Նորավանք» հիմնադրամի քաղաքական հետազոտությունների կենտրոնի ղեկավար Կարեն Վերանյանը նկատեց, որ երկակի իմաստ կա հրավերի հետ կապված, քանի որ հրավիրողը Իսրայելի վարչապետ Բենյամին Նեթանյահուն է, որը նաև ԱԳ նախարարի պարտականություններն է կատարում:
«Ամեն դեպքում սա թույլ է տալիս ենթադրել, որ հրավերը երկրի ամենաբարձր մակարդակով՝ վարչապետի հրավերով է, քան արտգործնախարարության մակարդակով, ու սա նաև թույլ է տալիս եզրահանգել, որ այն պայմանավորվածություններն ու քննարկումները, որ կարող են լինել պաշտոնական մոտեցումներում և հետկուլիսային շրջանակներում, ըստ էության, շրջադարձ ու որակապես նոր փուլ կարող են բերել հայ-իսրայելական հարաբերություններին»:
Մանրամասները՝ տեսանյութում:
