24.06.2026 | 18:34
Երևանում ավելի քան 5 ամիս փակ կլինի Արին Բերդ փողոցի ճանապարհահատվածներից մեկը
Բաղդադը պահանջել է, որպեսզի Քրդստանը հստակ հայտարարի Իրաքից չանկախանալու մասին
Քաղաքականություն
07.11.2017 | 12:29
Իրաքի կառավարությունը Իրաքյան Քրդստանից պահանջել է հստակ հայտարարել, որ չի առանձնանալու կամ պետությունից անկախություն չի պահանջելու, հայտնում է ria.ru-ն:
Ավելի վաղ, Բաղդադի Գերագույն դաշնային դատարանը հայտարարել էր, որ Իրաքի Սահմանադրությունը չի պարունակում հոդվածներ, որոնք վերաբերում են երկրի որևէ մասի առանձնանալու հնարավորությանը:
«Դաշնային դատարանի որոշման հիման վրա մենք պահանջում ենք, որ տարածաշրջանը հստակ հայտարարի, որ չի առանձնանալու կամ Իրաքից անկախություն չի պահանջելու», – նշվում է կառավարության հայտարարության մեջ:
Իրաքյան Քրդստանըսեպտեմբերի 25-ին անկախության հանրաքվե էր անցկացրել, որին մասնակիցների 93 տոկոսը «այո» էր ասել: Բաղդադը հանրաքվեի անցկացման թույլտվություն չէր տվել և չէր ճանաչել դրա արդյունքերը:
