Հասարակություն
07.11.2017 | 10:38
Հրազդանի երկու բնակչի՝ կնոջ և տղամարդու, սպանության գործով որպես մեղադրյալ է ներգրավվել Հրազդանի բնակիչ։ Ինչպես «Փաստինֆո»-ն տեղեկացավ ՀՀ քննչական կոմիտեից, նրան մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 1-ին և 8-րդ կետերով՝ շահադիտական դրդումներով երկու կամ ավելի անձանց սպանություն:
Քննչական կոմիտեի լրատվական ծառայությունն ավելի վաղ տեղեկացրել էր, որ նոյեմբերի 2-ին Երևան-Սևան ավտոճանապարհի մոտ գտնվող գազալցակայանի հարևանությամբ՝ դաշտային տարածքում, հայտնաբերվել է երկու անձի դիակ՝ կնոջ և տղամարդու։
Տուժողների՝ Հրազդանի բնակիչներ Վարդուհի Սիմոնյանի և Սամվել Ալիխանյանի գտնվելու վայրն անհայտ էր սեպտեմբերի 18-ից։
Քննությամբ պարզվել էր, որ նրանք ճանաչում են միմյանց, վերջին անգամ նրանց տեսել են միասին:
«Օպել Աստրա» մակնիշի ավտոմեքենայով, ընկերոջ հետ, Հրազդան քաղաքի միկրոշրջան թաղամասում գտնվող բազմաբնակարան շենքերից մեկի բակից նույն քաղաքի Ջրառատ թաղամասի 403 հասցեում գտնվող իր հայրական առանձնատուն է տեղափոխել Հրազդան քաղաքի բնակիչներ, 1961 թվականին ծնված Վարդուհի Սիմոնյանին և 1964թ. ծնված Սամվել Ալիխանյանին, որտեղ ծեծի ենթարկելով՝ Ս.Ալիխանյանից և Վ.Սիմոնյանից գումար է պահանջել և մերժում ստանալուց հետո տեղում՝ շորթմամբ, զուգորդված վերջիններին ապօրինաբար կյանքից զրկելու վերաբերյալ ծագած դիտավորությամբ, մետաղական լարով խեղդամահ անելու եղանակով ապօրինաբար կյանքից զրկել է Սամվել Ալիխանյանին, այնուհետև կյանքից ապօրինաբար զրկելու դիտավորությամբ մետաղական կշռաքարով հարվածներ է հասցնելով Վարդուհի Սիմոնյանի գլխին, սպանել նրան:
