11.09.2026 | 11:54
ՀՀ քննչական կոմիտեի և ՉԺՀ հանրային անվտանգության նախարարության միջև ստորագրվել է փոխըմբռնման հուշագիր
Ադրբեջանը հրթիռ է արձակել շփման գծի երկայնքով․ ԵԱՀԿ ՄԽ-ի հասցեական 1-ին արձագանքը
Քաղաքականություն
19.05.2017 | 10:30
ԵԱՀԿ Մինսկի խմբի համանախագահներ՝ Իգոր Պոպովը (ՌԴ), Ստեֆան Վիսկոնտին (Ֆրանսիա) և Ռիչարդ Հոգլանդը (ԱՄՆ) հայտարարություն են տարածել՝ շփման գծում վերջին օրերին արձանագրված լարվածության առնչությամբ։ Հարկ է նշել, որ սա ԵԱՀԿ Մինսկի խմբի առաջին հասցեական արձագանքն է Ադրբեջանի գործողություններին։
«Ըստ տարբեր հավաստի աղբյուրներից հավաքած տեղեկությունների` մայիսի 15-ին Ադրբեջանի Զինված ուժերը հրթիռ է արձակել շփման գծի երկայնքով՝ ոչնչացնելով ռազմական տեխնիկա։ Մայիսի 16-ի երեկոյան և մայիսի 17-ին հայկական Զինված ուժերը պատասխանել է տարբեր տրամաչափի ականանետային կրակահերթերով։ Երկու կողմերի գործողությունները հրադադարի ռեժիմի խախտում են ու տագնապի առիթ։
Իրարամերժ տեղեկություններ կան այս հարվածների նշանակետերի, ինչպես նաև մարդկային կորուստների և վնասների մասին։ ԵԱՀԿ ՄԽ-ն և ԵԱՀԿ գործող նախագահի անձնական ներկայացուցիչը շարունակում են լրացուցիչ տվյալներ հավաքել ու վերլուծություններ կատարել՝ իրավիճակի շուրջ ամբողջական պատկերացում կազմելու համար: ԵԱՀԿ Մինսկի խմբի համանախագահները նաև դատապարտում են հրադադարի ռեժիմի խախտումները և կողմերին կոչ են անում խուսափել իրավիճակի սրացումից»,- ասված է հայտարարության մեջ։
