22.05.2026 | 11:10
Արթուր Ալեքսանյանի անվան մարզադպրոցի շինարարությունը նոր թափ է ստացել, ներգրավվել է նոր կապալառու․ ԼՈՒՍԱՆԿԱՐՆԵՐ
Ճապոնիայում վաղը՝ ապրիլի 7-ին, արտակարգ դրություն կհայտարարվի, որը հնարավոր է տևի մինչև կես տարի. Associated Press
Քաղաքականություն
06.04.2020 | 16:16
Ճապոնիայի վարչապետ Շինզո Աբեն հայտարարել է, որ վաղը՝ ապրիլի 7-ին, երկրում արտակարգ դրություն կհայտարարվի՝ ուժեղացնելու կորոնավիրուսի բռնկման դեմ տարվող միջոցառումները։
Այդուհանդերձ, նա նշել է, որ խիստ սահմանափակումներ չեն լինի։ Այս մասին հայտնում է Associated Press-ը։
Աղբյուրի փոխանցմամբ՝ Ճապոնիայի վարչապետը նշել է, թե երկրում նոր կորոնավիրուսի դեմ պայքարի համար 1 տրիլիոն դոլար արժողությամբ աջակցության փաթեթ է կազմվել, որը կուղղվի պանդեմիայի տնտեսական հետևանքները մեղմելուն։
Մասնավորապես՝ ֆինանսական աջակցություն կտրվի կարիքավոր ընտանիքներին՝ վարձավճարները կատարելու համար, ինչպես նաև բիզնեսներին։
Associated Press-ը հաղորդում է, որ ըստ Ճապոնիայի Առողջապահության նախարարության տվյալների՝ երկրում նոր կորոնավիրուսի 3․654 հաստատված դեպք կա և 84 մահ։
Բացի այդ, ևս 71 վարակակիր և 11 մահվան դեպք էլ գրանցվել է «Յոկոհամա» զբոսանավի վրա, որը Տոկիոյի մոտակայքում կարանտինի մեջ էր պահվում։
Reuters-ն էլ, հղում տալով ճապոնական TBS-ին, նշում է որ արտակարգ իրավիճակը Ճապոնիայում կարող է մինչև կես տարի տևել:
Նելլի Մելքոնյան
