16.06.2026 | 17:01
Ծնողական ժամ․ ծնողը կարող է բացակայել աշխատանքից և վարձատրվել․ ՏԵՍԱՆՅՈՒԹ
«Թուֆենկյան» հյուրանոցի մոտ տեղի ունեցած սպանության համար հետախուզվողներին Վրաստանը Հայաստանին կհանձնի՞
Հասարակություն
06.11.2017 | 18:02
Երևանի «Թուֆենկյան» հյուրանոցի մոտ տեղի ունեցած սպանության գործով Վրաստանում հայտնաբերված հետախուզվողներին Հայաստանին հանձնելու վերաբերյալ միջնորդություն է ուղարկվել Վրաստան։ Այս մասին տեղեկացրել է ՀՀ գլխավոր դատախազի խորհրդական Գոռ Աբրահամյանը։
Նրա ֆեյսբուքյան գրառման մեջ մասնավորապես ասվում է. «Քանի որ լրատվամիջոցները վերջին օրերին հաճախակի են դիմում սեպտեմբերի 14-ին Երևանի «Թուֆենկյան» հյուրանոցի մոտ տեղի ունեցած հանցագործությունն առերևույթ կատարելու համար հետախուզվող երկու անձանց Վրաստանից Հայաստան տեղափոխելու հետ կապված հարցերով, տեղեկացնում եմ, որ ՀՀ դատախազությունը սահմանված կարգով արդեն վերոնշյալ անձանց քրեական հետապնդման ենթարկելու նպատակով ՀՀ իրավասու մարմիններին հանձնելու մասին միջնորդություններ է ուղարկել Վրաստանի Դատախազություն»:
Հիշեցնենք, որ հոկտեմբերի 29-ին Վրաստանի տարածքում հայտնաբերվել են սեպտեմբերի 14-ին Երևանի «Թուֆենկյան» հյուրանոցի մոտ տեղի ունեցած սպանությունը կատարելու մեղադրանքով հետախուզվող 1982 թ. ծնված Ալբերտ Բլբուլյանին և 1984 թ. ծնված Արմեն Կարադավիդովին:
