«Սուրբ Գրիգոր Լուսավորիչ»-ից «Նաիրի» ԲԿ տեղափոխված հիվանդներից մեկը կոմայի մեջ է եղել և կարճ ժամանակ անց՝ մահացել

Լուրեր

28.03.2024 | 16:18
Գերմանիայում 5 մարդ մեղադրվում է հակառուսական պատժամիջոցները խախտելու մեջ․ նրանք օգնել են Siemens-ի տուրբիններ մատակարարել Ղրիմ
28.03.2024 | 16:07
Գյումրիում հանրային սննդի օբյեկտը կվերսկսի իր գործունեությունը
28.03.2024 | 15:55
Անհապաղ հայրենադարձնել Ադրբեջանում պահվող բոլոր հայ գերիներին․ զեկույց ուղղված՝ ՄԱԿ-ի Խոշտանգումների դեմ կոմիտեին՝ Ադրբեջանի 5-րդ դիտարկմանն ընդառաջ
28.03.2024 | 15:51
ԱՄՆ Կոնգրեսի պատվիրակությունը մեկնում է Թուրքիա. քննարկվելու է նաև F-16-ի հարցը
28.03.2024 | 15:44
Ուժի մեջ է մտնում տուգանքների վճարման բոնուսային համակարգը
28.03.2024 | 15:41
ԱԺ աշխատանքի և սոցիալական հարցերի մշտական հանձնաժողովի նիստը՝ ՈՒՂԻՂ
28.03.2024 | 15:36
Գերմանիան ավելացնում է զենքի սեփական պաշարները. Bloomberg
28.03.2024 | 15:25
Համոզված եմ՝ մենք կունենանք սերունդ, որը կապրի ԵՄ անդամ Հայաստանում. Էդգար Առաքելյան․ ՏԵՍԱՆՅՈՒԹ
28.03.2024 | 15:20
Բաքվում հայտարարում են Ադրբեջանի անվտանգությանը սպառնացող վտանգի մասին՝ մեղադրելով Արևմուտքին
28.03.2024 | 15:17
«Զվարթնոց»-ին սահմանապահներ են անհրաժեշտ, Մոսկվային մտահոգում է բրյուսելյան հանդիպումը․ ԼՈՒՐԵՐ
28.03.2024 | 15:09
Երթևեկության կազմակերպման փոփոխություն՝ Միկոյան – Գալշոյան փողոցների խաչմերուկում
28.03.2024 | 14:55
Բաքվի վարքագիծն անընդունելի է. Բաքոյանը՝ ԼՂ-ի նախկին ղեկավարներից հարցազրույցներ վերցնելու մասին․ ՏԵՍԱՆՅՈՒԹ
28.03.2024 | 14:53
ՌԴ-ում Տաջիկստանի քաղաքացուն մեղադրանք է առաջադրվել «Կրոկուս»-ի ահաբեկչությունն արդարացնելու համար
28.03.2024 | 14:46
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան․ ՏԵՍԱՆՅՈՒԹ
28.03.2024 | 14:35
Հայաստանում անց է կացվել «Կիբեռանվտանգության ռազմավարության ներդրում» թեմայով աշխատաժողով
Բոլորը

Երեկ՝ ապրիլի 2-ին, «Սուրբ Գրիգոր Լուսավորիչ» բժշկական կենտրոնից չորս պացիենտ տեղափոխվեց «Նաիրի» բժշկական կենտրոն։ Դա պայմանավորված էր այն հանգամանքով, որ «Գրիգոր Լուսավորիչը» վերապրոֆիլավորվեց և այս օրերին կորոնավիրուսով վարակված քաղաքացիներին պետք է սպասարկի։ Չորս պացիենտներից մեկի մոտ կարճ ժամանակ անց մահ արձանագրվեց։

Factor.am-ի տեղեկություններով՝ մահն արձանագրվել է հիվանդի տեղափոխումից 40 րոպե անց։ Լուրի իսկությունը ճշտելու համար կապ հաստատեցինք «Սուրբ Գրիգոր Լուսավորիչ» բժշկական կենտրոնի խոսնակ Ծովինար Խաչատրյանի հետ։

«Եղել են ծայրահեղ ծանր և միջին վիճակում գտնվող հիվանդներ։ Այստեղից նորմալ տեղափոխումն իրականացվել է։ Իսկ թե երբ է մահացել պացիենտներից մեկը, նման ինֆորմացիայի չենք տիրապետում»,-ասաց խոսնակը։

Կապ հաստատեցինք «Շտապօգնության» ծառայություն հետ՝ ճշտելու, թե հնարավո՞ր է՝ պացիենտի մահը վրա է հասել տեղափոխման ժամանակ։ Այստեղից մեզ ասացին, որ տեղափոխումը բարեհաջող իրականացվել է, որևէ խնդիր չի եղել։ Factor.am-ը զրուցեց «Նաիրի» բժշկական կենտրոնի անեսթեզիոլոգիայի և ինտենսիվ թերապիայի ծառայությունների ղեկավար, ՀՀ գլխավոր անեսթեզիոլոգ Անատոլի Գնունու հետ։ Վերջինս մեզ հետ զրույցում ասաց, որ մահացած հիվանդը ծանր վիճակում է եղել կենտրոն տեղափոխվելու ժամանակ։

«Մեր կենտրոն ընդունվելուց մոտ 2 ժամ անց է հիվանդը մահացել։ Նա բարձր տարիքի տղամարդ էր և մոտ 20 օր «Գրիգոր Լուսավորիչ»-ում կոմայի մեջ է գտնվել։ Դա անդարձելի կոմա էր, և այդ մահը սպասելի էր։ Մեզ «Գրիգոր Լուսավորիչ»-ից զգուշացրել էին այդ հիվանդի մասին»,- նշեց Գնունին։

Նա շեշտեց, որ հիվանդի մոտ սրտի ռիթմի խանգարում է եղել, շաքարային դիաբետ։ Անեսթեզիոլոգի խոսքով՝ հիվանդն այդպես էլ կոմայից դուրս չի եկել։ Մենք կրկին կապ հաստատեցինք «Գրիգոր Լուսավորիչ» ԲԿ՝ փորձելով հասկանալ, թե կոմայի մեջ գտնվող հիվանդին արդյո՞ք թույլատրվում էր տեղափոխել։ ԲԿ խոսնակ Ծովինար Խաչատրյանը, սակայն, պնդեց, որ կոմատոզ վիճակում գտնվող պացիենտ իրենց մոտից չի տեղափոխվել։ Նաև հարկ համարեց հավելել, որ, ընդհանուր առմամբ, հիվանդի տեղափոխման պատասխանատվությունը կրում է տեղափոխող բժիշկը։

«Եվ եթե ռեանիմոբիլը տարել է, մնացյալ պատասխանատվությունն իրենց վրա է»,- նշեց նա։

Մենք կրկին դիմեցինք «Նաիրի» ԲԿ, որտեղից մեզ կրկին հավաստիացրին, որ հիվանդը կենտրոն է տեղափոխվել կոմայի մեջ, և ուղղորդեցին «Գրիգոր Լուսավորիչ» ԲԿ։ Այստեղից բուժկենտրոնի տնօրենի խորհրդական Սարգիս Ղազարյանն ի պատասխան մեր հարցի՝ նախ ասաց, թե չի հիշում՝ խոսքը որ հիվանդի մասին է։

Մեր դիտարկումից հետո, թե հիվանդին ընդամենը երեկ են տեղափոխել, Ղազարյանը հիշեց. «Այո՛, հիվանդներից մեկը կոմատոզ վիճակում է եղել։ Թե քանի օր է այդպես եղել՝ հիմա տվյալները ձեռքիս տակ չեն»։ Իսկ հարցին, թե որքանո՞վ էր նպատակահարմար ծանր վիճակում գտնվող պացիենտին տեղափոխել, Ղազարյանը հրաժարվեց պատասխանել։

Մերի Մարտիրոսյան

Գլխավոր լուսանկարը՝ «Հետք»-ի տեսանյութից