11.02.2026 | 19:04
Ձերբակալվել է Մասիսի համայնքապետ Դավիթ Համբարձումյանի եղբայրը՝ Գոռ Համբարձումյանը
Պուտինը ՌԴ-ում մինչև ապրիլի 30-ը երկարաձգել է ոչ աշխատանքային օրերը
Քաղաքականություն
02.04.2020 | 19:34
Ռուսաստանում ոչ աշխատանքային օրերի ժամանակահատվածը երկարաձգվում է մինչև ապրիլի 30-ը: Քաղաքացիներին ուղղված ուղերձում այս մասին հայտարարել է ՌԴ նախագահ Վլադիմիր Պուտինը, գրում է «Կոմերսանտը»:
Աղբյուրի փոխանցմամբ՝ եթե իրավիճակը բարելավվի, այս ժամկետը կարող է կրճատվել:
«Որոշում եմ ընդունել մինչև ամսվա վերջ երկարաձգել ոչ աշխատանքային օրերի ռեժիմը, այսինքն՝ մինչև ապրիլի 30-ը ներառյալ: Ընդգծեմ՝ պահպանելով աշխատողների աշխատավարձը»,- ասել է Պուտինը:
ՌԴ նախագահի կարծիքով՝ ոչ աշխատանքային շաբաթն ու մեկուսացման ռեժիմը երկրի բազմաթիվ շրջաններում թույլ է տվել ժամանակ շահել՝ կանխարգելիչ գործողություններ մշակելու համար: Նա, միաժամանակ, ընդգծել է, որ Մոսկվայում առայժմ չի հաջողվում «կոտրել կորոնավիրուսի տարածման հետ կապված իրավիճակը»:
