08.08.2026 | 11:04
Բացահայտվել է Արտաշատ համայնքի նախկին ղեկավար, ԱԺ նախկին պատգամավորի կողմից պատվիրված սպանության դեպքը
ԼՂ հակամարտությունը չունի ռազմական լուծում. Եվրանեսթ
Քաղաքականություն
06.11.2017 | 10:53
Եվրամիության Եվրանեսթ բյուրոն ուղերձ է հղել, որն ամբողջությամբ ներկայացնում ենք ստորև.
- Մենք կոչ ենք անում անհապաղ դադարեցնել ռազմական գործողությունները հայկական և ադրբեջանական ուժերի միջև (…), հասնել Լեռնային Ղարաբաղի հակամարտության կարգավորմանը, որը չունի ռազմական լուծում՝ բովանդայկային բանակցությունների վերսկսման, բարեխղճորեն և վստահության բարձրացմանն ուղղված միջոցառումների և երկխոսության միջոցով:
- Իրավունքի գերակայության առնչությամբ մեզ համար ընդունելի են մեր քաղաքացիների բարձր ակնկալիքները՝ ապահովելու ամուր և արդյունավետ գործող ժողովրդավարական ինստիտուտների առկայությունը և հասնելու կոռուպցիայի, կազմակերպված հանցավորության և ապօրինի օլիգարխիկ վերահսկողության վերացմանը:
- Սույնով պարտավորություն ենք ստանձնում լիարժեք կերպով իրականացնել դատական համակարգի, պետական կառավարման և բանկային և ֆինանսական հատվածի, ինչպես նաև քաղաքացիական հասարակության և լրատվամիջոցների բազմակարծության ամրապնդման հետ կապված բարեփոխումները:
- Հորդորում ենք ընտրական համակարգի բարեփոխումների իրականացումը՝ միջազգային չափանիշներին համապատասխան և համահունչ ԵԱՀԿ / ԺՀՄԻԳ-ի և Եվրախորհրդի Վենետիկի հանձնաժողովի առաջարկություններին:
- ԵՄ աջակցությունը պետք է իրականացվի հատուկ նախագծված մոտեցմամբ՝ համապատասխանեցվելով յուրաքանչյուր գործընկերոջ հետ համագործակցության հավակնության մակարդակին` «ավելին ավելիի դիմաց»և « պակաս պակասի դիմաց» սկզբունքներին համահունչ:
- Արևելյան գործընկերությունը պետք է տա քաղաքացիների համար շոշափելի արդյունքներ բոլոր գործընկեր երկրներում, մասնավորապես` կրթության, զբաղվածության, շարժունակության հեռանկարների և կապի և ենթակառուցվածքների առնչությամբ:
- Ընդգծում ենք նաև գործընկեր երկրներում քաղաքացիական հասարակության ամրապնդման անհրաժեշտությունը և նրա կարևոր դերը Արևելյան գործընկերության շրջանակներում` անզիջում կերպով դիմադրելու այնպիսի օրենսդրությանը, որը միտված է սահմանափակելու քաղհասարակության օրինական գործունեությունը:
- Մենք կաշխատենք քննության ենթարկել մեր կառավարությունների, Եվրոպական հանձնաժողովի և ԵԱԳԾ-ի արդյունավետությունը՝ մասնավորապես նորհամաձայնագրերի շուրջ բանակցությունների անցկացման և դրանց կյանքի կոչման առումով:
