20.01.2026 | 17:05
Մխիթար Հայրապետյանը՝ պետական կառավարման ոլորտում արհեստական բանականության 100 առաջնորդների համաշխարհային ցանկում
Այս պահին փնտրում ենք եղանակ Ազգային ժողովի կողմից չընդունված նախագիծը կրկին ներկայացնել․վարչապետ
31.03.2020 | 16:30
Facebook-ի իր էջում ուղիղ եթերում ՀՀ վարչապետ Նիկոլ Փաշինյանը հայտարարեց, որ հեռախոսազանգերին հետևելու նախագիծը, որը այսօր չընդունվեց նորից կներկայացվի:
«Այն օրենսդրական փոփոխությունը, որ կառավարությունն առաջարկել է, ԱԺ-ն, ցավոք, չընդունեց, բավարար չեղան կողմ ձայները, բայց հիմա փնտրվում է եղանակ նորից ԱԺ ներկայացնելու այդ նախագիծը: Այդ նախագծի իմաստը հետևյալն է. երբ քաղաքացու մոտ արձանագրվում է հաստատված դեպք, մենք փորձում ենք հասկանալ, թե ինքը որտեղից է վարակվել կամ ում հետ է շփվել: Այս երկու կատեգորիայի մարդկանց մեկուսացնում ենք հիվանդության հետագա տարածումը կանխելու համար: Բայց հիմա արդեն ունենք իրավիճակներ, երբ այնքան էլ վստահ չենք, թե քաղաքացին ումից է վարակվել, և ում հետ է շփվել: Հիմա նաև համաշխարհային փորձը հաշվի առնելով եկել ենք այնպիսի մեխանիզմի, որ քանի որ բոլորն ունեն բջջային հեռախոսներ եւ համակարգիչն ինքը շատ արագ ցույց կտա, թե մարդը վերջին շրջանում ում հետ է շփվել, ովքեր են պոտենցիալ շրջանակը, որ կարող է վարակված լինեն և դրա միասին տեղյակ չլինեն: Սա հնարավորություն կտա, որ մենք բջջային հեռախոսների տվյալներն օգտագործելով նախ մարդկանց իրազեկել, հետո հասկանալ այն շրջանակը, թե ովքեր են պոտենցիալ վարակակիրները»,-ասաց Փաշինյանը։
Մանրամասները՝ տեսանյութում։
