04.07.2026 | 10:47
Փաշինյանը շնորհավորական ուղերձներ է հղել Թրամփին և Վենսին՝ կարևորելով հայ-ամերիկյան գործընկերությունը
Ի՞նչ եք արել դուք, եկել է ժամանակը, որ պետք է մտածել՝ ճառ ասել, թե՞ զանգ կախել․ Նազելի Բաղդասարյանը՝ ընդդիմադիրներին. ՏԵՍԱՆՅՈՒԹ
Քաղաքականություն
31.03.2020 | 13:03
Բացի ճառ ասելուց՝ օրենսդրական գործունեության արդյուանվետության շրջանակում ընդդիմության գործողությունները եղել են զրո։ Նման հայտարարություն արեց «Իմ քայլը» խմբակցության պատգամավոր Նազելի Բաղդասարյանն ԱԺ այսօրվա արտահերթ նիստում «Արտակարգ դրության իրավական ռեժիմի մասին» օրենքում և «Էլեկտրոնային հաղորդակցության մասին» օրենքում լրացումներ կատարելու մասին նախագծերի փաթեթի քննարկման ժամանակ։
«Բա սրա համա՞ր են ձեզ հարկ վճարողներն աշխատավարձ տալիս, օգտագործում եմ այն եզրույթները, որ դուք եք միշտ օգտագործում։ Մենք փաստել ենք, որ, այո՛, օրինագիծն ուներ բազմաթիվ խութեր, և մենք անհրաժեշտ միջոցներ ձեռնարկել ենք՝ այդ ամենը շտկելու համար։ Թե ինչ չափով ենք շտկել, լրամշակված օրինագծում տեսնում եք։ Իսկ ի՞նչ եք արել դուք։ Ունեիք հնարավորություն՝ առաջարկներ ներկայացնելու, ներկայացրե՞լ եք: Ո՛չ։ Այս վատ, շատ վատ, խայտառակ օրենքը ի՞նչ եք արել, որ փոփոխվի, պարո՛ն Մարուքյան։ Նշում եք, որ առաջարկություններ արել եք, և չեն ընդունվել։ Այո՛, մեր կողմից առաջարկություններ արել ենք և մի մասը ընդունվել է, մի մասը չի ընդունվել։ Իսկ ի՞նչ եք արել դուք, հարգելի՛ «Բարգավաճ Հայաստան» և «Լուսավոր Հայաստան» խմբակցության գործընկերներ։ Ես հասկանում եմ, որ եկել է այն ժամանակը որ պետք է մտածել ճառ ասել, թե զանգ կախել, հա զանգ կախելը դժվար է հատկապես վախի մթնոլորտում»,- ասաց պատգամավորը։
Մանրամասները՝ տեսանյութում:
