19.04.2026 | 17:17
Ռուսաստանի դատարանները սկսել են սոցիալական ցանցերում «666» թվի օգտագործումը դիտարկել որպես սատանիզմի քարոզչություն
130 միլիոն դրամ՝ կորոնավիրուսի դեմ պայքարող 1800 բուժաշխատողներին․ Հայկ Մարության. ՏԵՍԱՆՅՈՒԹ
Հասարակություն
30.03.2020 | 21:19
Երևանի քաղաքապետ Հայկ Մարությանը ֆեյսբուքի իր էջում արված գրառմամբ տեղեկացրել է, որ քաղաքապետարանի մարտ ամսվա պարգևավճարների ֆոնդն ամբողջությամբ՝ շուրջ 130 միլիոն դրամ, կփոխանցվի համայնքային ենթակայության բուժհիմնարկների աշխատակիցներին:
«Սիրելի համաքաղաքացիներ,
Իմ որոշմամբ, Երեւանի քաղաքապետարանի աշխատակազմի եռամսյա պարգեւավճարներից` մարտ ամսվա պարգեւավճարների ֆոնդը ամբողջությամբ՝ շուրջ 130 միլիոն դրամ, կփոխանցվի համայնքային ենթակայության բուժհիմնարկների աշխատակիցներին, որոնք պայքարում են կորոնավիրուսի վարակի դեմ։
Այս գումարը կբաշխվի բոլոր բուժհիմնարկների՝ հիվանդանոցների, պոլիկլինիկաների, շտապօգնության ծառայության շուրջ 1800 աշխատակիցների միջեւ:
Քանի որ ես պարգեւավճար չեմ ստանում, բուժաշխատողների ֆոնդին կփոխանցեմ մարտ ամսվա աշխատավարձս:
Առո՛ղջ եղեք, միասին հաղթահարելու ենք ցանկացած դժվարություն»
