16.05.2024 | 23:39
Խաղաղության պայմանագիրը պատմական հնարավորություն է տարածաշրջանի համար. Էրդողան
ԱՎԾ-ի անգամ «անմեղ թվացող» տվյալներում կան անճշտություններ
03.11.2017 | 16:15
Այն, որ Ազգային վիճակագրական ծառայության տվյալներին հանրությունը վերապահումով է մոտենում՝ հայտնի փաստ է: Այս կառույցի գործունեությունն անգամ երկրի բարձրագույն ղեկավարությունն է կասկածի տակ դնում:
Օրերս վարչապետ Կարեն Կարապետյանը ՌԴ վարչապետի հետ հանդիպմանը հայտարարել էր. «Մեր վիճակագրական ծառայությունը նվազեցնում է որոշ տվյալներ»: Թե որքանով էր վարչապետի կասկածն այս պարագայում արդարացված՝ դժվար է ասել, սակայն անգամ «անմեղ» թվացող տվյալներում կարելի է գտնել անհամապատասխանություններ:
Այսպես. ԱՎԾ կայքում «Նորածիններին ավելի հաճախ տրվող անունները» ցանկում նշված է, որ 2015 թվականին երկրում ծնվել է 19 611 աղջիկ և 22 204 տղա երեխա:
Նույն ԱՎԾ կայքի մեկ այլ՝ «Հետաքրքրաշարժ փաստեր»-ի տվյալներով 2015 թվականին ծնվել է 19 630 աղջիկ և 22 133 տղա երեխա: Այսքանից հետո հարց է առաջանում՝ ինչպես հավատալ հայրենի վիճակագրական ծառայության տվյալներին:
Լիլիթ Շաբոյան
