10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
Իսպանիայում մեկ օրում մահացել է կորոնավիրուսով վարակված 832 մարդ․ «ՌԻԱ Նովոստի»
Քաղաքականություն
28.03.2020 | 17:01
Նոր տիպի կորոնավիրուսի պատճառով Իսպանիայում վերջին 24 ժամվա ընթացքում մահացել է 832 մարդ, ինչի արդյունքում մահերի թիվը հասել է 5690-ի. հաղորդում է «ՌԻԱ Նովոստի»-ին:
Մեկ օրում հաստատվել է վարակման 8189 նոր դեպք, ընդհանուր թիվը կազմում է 72 248։ Ծանր վիճակում գտնվում է 4 հազար 500 պացիենտ։ 12 հազար 300 քաղաքացի արդեն ապաքինվել է։ Փաստացի բուժվողների թիվը Իսպանիայում կազմում է ավելի քան 54 հազար։
Մադրիդում հայտնաբերվել է 21 հազար 500 COVID-19-ի դեպք, մահացել է 2 հազար 800 անձ, իսկ Կատալոնիայում՝ 14 հազար 3 հարյուր դեպք, մահացել է ավելի քան հազար պացիենտ։
Կորոնավիրուսի հետևանքով մահացածների և վարակվածների թվով Իսպանիան Եվրոպայում երկրորդն է՝ Իտալիայից հետո։
Իսպանիայի կառավարությունը մարտի 14-ից երկրում սահմանել է 15-օրյա բարձր պատասխանատվության ռեժիմ՝ սահմանափակելով մարդկանց տեղաշարժը։ Մարտի 26-ին Իսպանիայի խորհրդարանը երկարաձգել է այդ ժամկետը մինչև ապրիլի 11-ը ներառյալ։
