30.08.2026 | 23:44
Վաղարշապատում կինը դանակահարել է 43-ամյա տղամարդուն․ նա մահացել է. ՆԳՆ
Փրկարարը վարակվել է կորոնավիրոսով, բուժվում է․ Վրեժ Գաբրիելյան. ՏԵՍԱՆՅՈՒԹ
27.03.2020 | 20:33
ԱԻՆ Փրկարար ծառայության աշխատակիցը վարակվել է կորոնավիրուսով, այժմ նա բուժվում է, հայտնաբերված են նրա կոնտակտավորները, որոնք ևս մեկուսացված են։ Այս մասին այսօր ասուլիսում հայտարարեց փրկարար ծառայության տնօրեն Վրեժ Գաբրիելյանը։
Նրա փոխանցմամբ՝ փրկարարը կորոնավիրուսով վարակվել է կնոջից, և վարակումը պայմանավորված չէ աշխատանքի բնույթով։ Կորոնավիրուսով վարակված աշխատակիցը Երևանից է:
«Կորոնավիրուսով վարակված մեր աշխատակցի հետ ակտիվ 11 կոնտակտավորները, որ ծառայության ներկայացուցիչ են, մեկուսացված են ԱԻՆ կառույցներից մեկում։ Նրանց վիճակը հսկվում է»,- հավելեց Գաբրիելյանը:
Նա նշեց, որ ակտիվ աշխատանքներ են տարվում՝ նաև փրկարարների շարքերում կորոնավիրուսով վարակի դեպքերը բացառելու ուղղությամբ, նրանք պարբերաբար ջերմաչափվում են։
Մանրամասները՝ տեսանյութում:
