10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Պարետը ուղևորափոխադրումները սահմանափակող նոր որոշում կընդունի այսօր. փոխնախարար. ՏԵՍԱՆՅՈՒԹ
27.03.2020 | 12:29
Միջմարզային երթուղիները գործում են Շիրակի մարզում, ինչպես նաև Լոռու, Սյունիքի և Կոտայքի մարզերում: Այս մասին այսօր հրավիրված ասուլիսում ասաց տարածքային կառավարման և ենթակառուցվածքների փոխնախարար Արմեն Սիմոնյանը:
Ընդ որում, նրա խոսքով, հանրապետությունում երթուղիներ են գործում նաև որոշ համայնքների միջև:
«Դրանք գործում են Գեղարքունիքի, Տավուշի, Շիրակի, Լոռու, Սյունիքի և Կոտայքի մարզերում: Իսկ մնացած մարզերում և համայնքներում, համապատասխանաբար, չեն գործում»,- պարզաբանեց Սիմոնյանը:
Փոխնախարարը, միաժամանակ, հայտնեց, որ միջմարզային երթուղային տրանսպորտի առումով պարետի որոշման մեջ նախատեսվում է կատարել մի շարք փոփոխություններ: Խոսքը, մասնավորաբար, ավտոբուսների և միկրոավտոբուսների մասին է, որոնք իրականացնում են ուղևորափոխադրումներ:
«Այսօրվա որոշմամբ նախատեսվում է նաև արգելել մարզերի միջև ուղևորափոխադրումները: Հիշեցնեմ, որ այսօրվա դրությամբ դրանք գործում են միայն 5 մարզերում»,- ընդգծեց Սիմոնյանը:
Հիշեցնենք, որ Հայաստանում մարտի 16-ից ապրիլի 14-ը, կորոնավիրուսի տարածումը կանխելու նպատակով, գործում է արտակարգ դրության ռեժիմ:
Մանրամասները՝ տեսանյութում:
