10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
Պատրիկ Դևեջյանի մոտ կորոնավիրուսի թեստը դրական արդյունք է տվել. Nouvelles d’Armenie
27.03.2020 | 12:07
Ֆրանսիահայ հայտնի քաղաքական գործիչ Պատրիկ Դևեջյանի մոտ կորոմավիրուսի թեստը դրական արդյունք է տվել: Նա հոսպիտալացվել է, գտնվում է բժիշկների հսկողության ներքո: Այս մասին գրում է «Nouvelles d’Armenie»-ն:
«Ինձ էլ հասավ համաճարակը: Ուզում եմ վկայել բժիշկների և բոլոր խնամակալների բացառիկ աշխատանքի մասին: Շատ շնորհակալ եմ նրանց՝ բոլոր հիվանդներին մշտական օգնության համար»,- Twitter-ում մասնավորապես գրել է 75-ամյա Դևեջյանը:
Պատրիկ Դևեջյանը 5 անգամ ընտրվել է Ֆրանսիայի ԱԺ պատգամավոր, եղել է Օ դը Սեն դեպարտամենտի Անտոնիի քաղաքապետ: Նա նախկին նախագահ Նիկոլա Սարկոզիի մերձավոր շրջապատից է:
Դևեջյանը սերտորեն կապված է ֆրանսիահայ համայնքին, Հայոց ցեղասպանության ժխտման քրեականացման համար պայքարի ակտիվ մասնակից է:
