29.04.2026 | 20:13
Բեռնատարը դուրս է եկել ճանապարհի երթևեկելի հատվածից և կողաշրջվել
ՀՔԾ-ում շոուներով են զբաղված. փորձում են ցույց տալ, թե իրենք էլ են աշխատում. «Ժողովուրդ»
03.11.2017 | 10:03
«Ժողովուրդ» օրաթերթը գրում է.
«ՀՔԾ-ում փորձում են ցույց տալ, թե իրենք էլ են աշխատում: Նույնիսկ մի քանի անգամ հաղորդագրություն տարածեցին, թե քաղաքացիներն իրենց դիմում են ներկայացրել այս կամ այն դատավորի կողմից խարդախություն կատարելու կամ կաշառք վերցնելու վերաբերյալ, նույնիսկ դրանից հետո քրեական գործեր էին հարուցվել: Սակայն այդպես էլ չմանրամասնեցին, թե կոնկրետ ո՞ր դատավորի դեմ է ներկայացված եղել դիմումը: Երեկ «Ժողովուրդ» օրաթերթը ՀՔԾ պետի տեղակալ Վլադիմիր Հովհաննիսյանին հարցրեց՝ արդյո՞ք շոու չէ բուն խնդրի մասին հանգամանալից տեղեկություն չտրամադրելը: «
Եթե իմ պատկերացրած քրեական գործի մասին է խոսքը, ապա դատավորը նախկին դատավոր է, արդեն չի պաշտոնավարում, քաղաքացու հաղորդումը իր ենթադրաբար հանցագործության վերաբերյալ չի հաստատվել, ու գործով վարույթը կարճվել է, այդ իսկ պատճառով չի հրապարակվել»: Փաստորեն, ստացվում է, որ, իրոք, ՀՔԾ-ում շոուներով են զբաղված, եւ հաղորդագրություններ են տարածում՝ առանց փաստերը ստուգելու, կատարվածի մասին հանգամանալից տեղեկություններ ստանալու, հետո կարճում են դրանք»:
Մանրամասները՝ թերթի այսօրա համարում:
