Ինչպես է կորոնավիրուսը հասել մարզեր․ նախարարի պարզաբանումը. ՏԵՍԱՆՅՈՒԹ

Առողջապահության նախարար Արսեն Թորոսյանն այսօր խոսեց կորոնավիրուսի մարզեր ներթափանցելու մասին, ասաց, որ հիմնականում դեպքերը կամ դրից են բերվել, կամ այստեղ են վարակվել և վարակել մյուսներին։

Անդրադառնալով Էրեբունու և Չարենցավանի արտադրամասերի դեպքերին, երբ վարակը սկսեց տարածվել, նախարարն ասաց․ «Մի քանի հարյուր անձ է մեկուսացվել այդ երկու արտադրամասերի շփումներից, ստույգ կդժվարանամ նշել, քանի որ այդ ինֆորմացիան անընդհատ փոփոխվում է, օրինակ, երեկ 140 հոգի մեկուսացվել է Էրեբունու արտադրամասի թե՛ աշխատակից, թե՛ կոնտակտավոր, այսօր ևս շարունակվում է այդ մեկուսացումը: Եվս 200-300 հոգի մեկուսացվել էր նախորդ արտադրամասից: Համաճարակաբանական հետաքննությունը հաճախ շատ երկար է տևում, և մենք չենք դադարեցնում, քանի որ ունենք կասկած, որ չի ավարտվել և քանի դեռ ունենք ռեսուրս այդ մարդկանց պահելու և գտնելու, որովհետև գալու է մի պահ, որը մենք անընդհատ պետք է հետաձգենք, հույս ունենալով, որ այն չի գալու, որ վերջնական հիվանդին մենք չենք կարողանալու գտնել, մենք պարզապես փորձելու ենք գտնել բոլոր նման սիմպտոմ ունեցող մարդկանց: Մենք հիմա թեստ դնում ենք բժշկական ցուցում և համաճարակաբանական ցուցում կոմբինացիայի վրա, բայց հնարավոր է գա մի պահ, երբ մենք համաճարակաբանական ցուցումը կդնենք մի կողմ և միայն բժշկական ցուցումով կդնենք, երբ որ աշխարհագրությունը մեծանա, հիվանդների թիվը մեծանա, և մեր խնդիրն է այդ ամեն ինչը ինչքան հնարավոր է հետաձգել և այդ վիճակին չհասնել, որպեսզի առողջապահական համակարգը կարողանա վերցնել այս բեռը: Այս խնդիրը դրված է աշխարհի բոլոր պետությունների և առողջապահական համակարգերի առաջ»:

Մանրամասները՝ տեսանյութում։

Լիլիթ Շաբոյան