12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Քաղաքի շարժը ոստիկանությունն է, շտապօգնությունը և առաքումը․ Իսպանիայից մեր հայրենակիցը մանրամասնում է. ՏԵՍԱՆՅՈՒԹ
25.03.2020 | 20:40
Պաշտոնական տվյալներով՝ Իսպանիայում նոր կորոնավիրուսի վարակակիրների թիվը 47.610 է, իսկ մահացությունների թիվը՝ 3434։ Երկրում արտակարգ դրություն է հայտարարված։ Իսպանիայի Բարսելոնա քաղաքում բնակվող մեր հայրենակից Արեգ Ստեփանյանը Factor.am-ին մանրամասներ է հաղորդել՝ երկրում տիրող իրավիճակի մասին։
«Իսպանիան մարտի 14-ից կարանտինի մեջ է։ Ի սկզբանե՝ կառավարության օրենքները խիստ էին, բայց, նկատի ունենալով այս հարցի լրջությունը, ավելի խստացին՝ 3-րդ օրվանից սկսած։ Մարդիկ պարտաճանաչ հետևում են օրենքներին, բայց, անշուշտ, բացառությունների համար կա 300-30․000 եվրո տուգանք»,- ասում է Արեգը։
Ըստ նրա՝ Բարսելոնայում ընդհանուր վիճակը հանգիստ է․ «Փակ են բոլոր առևտրի կետերը՝ բացի դեղատերից ու սուպերմարկետներից։ Քաղաքի միակ շարժը ոստիկանությունն է, շտապօգնությունը և առաքումը»։
Նրա խոսքով՝ տանից դուրս գալ կարելի է միայն սնունդ գնելու, կենդանիներին դուրս տանելու կամ աշխատանքի համար. «Դուրս գալիս պետք է անպայման դիմակ ու ձեռնոց օգտագործել, ինչպես նաև 1-1․5 մետր հեռավորություն պահել»։
Արեգը պատմում է նաև, որ Բարսելոնայում բժշկական նյութերի պակաս կա։
Մանրամասները՝ տեսանյութում։
Նելլի Մելքոնյան
