12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Ունենք 249 հաստատված դեպք, 30 թոքաբորբ, մեկ քաղաքացու վիճակը ծայրահեղ ծանր է, 4-ինը՝ ծանր. ՏԵՍԱՆՅՈՒԹ
24.03.2020 | 19:16
Հայաստանում կորոնավիրուսով վարակված քաղաքացիների թիվը հասել է 249-ի: ՀՀ քաղաքացիներին ուղղված հեռուստաուղերձում տեղեկացրեց վարչապետ Նիկոլ Փաշինյանը:
«Այսօր ժամը 18։30-ի դրությամբ՝ իրավիճակը հետևյալն է. ունենք հաստատված 249 պացիենտ, որոնց մեծ մասը Նորքի ինֆեկցիոն հիվանդանոցում է, մյուսները՝ հանրապետության այլ բուժհաստատություններում», – ասաց Նիկոլ Փաշինյանը։
Նա նշեց, որ հիվանդներից 30-ի մոտ արձանագրվել է թոքաբորբ: Նրանցից մեկի՝ 77-ամյա քաղաքացու վիճակը գնահատվում է ծայրահեղ ծանր:
«Եվս 4 պացիենտի վիճակը բժիշկները ծանր են գնահատում»,- ասաց վարչապետը:
Նիկոլ Փաշինյանի խոսքով՝ հիվանդների մի մասը, սակայն, այս պահին նույնիսկ ջերմություն չունի, ինչը հույս է ներշնչում, որ շատերը կբուժվեն առանց որևէ բժշկական միջամտության. «Այս պահին նրանց՝ հիվանդանոցում գտնվելու հիմնական իմաստն այն է, որ չվարակեն ուրիշ քաղաքացիների»:
Նա նշեց, որ վարակվածների շրջանում 65 տարեկանից բարձր 11 անձ կա, 70-ից բարձր տարիքի՝ 5 անձ, 80-ից բարձր պացիենտ չկա։ Վարչապետի խոսքով՝ այս պահի դրությամբ կա 868 մեկուսացված անձ, ավելի քան 2.419 քաղաքացու համար սահմանվել է ինքնամեկուսացում տներում։
Մանրամասները՝ տեսանյութում:
