08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Վարչապետ Կարեն Կարապետյանն այդպես էլ չսովորեց կուսակցությունների անվանումները
Քաղաքականություն
02.11.2017 | 16:53
Վարչապետ Կարեն Կարապետյանն այսօրվա մամլո ասուլիսում արձագանքելով լրագրող Մհեր Արշակյանի հարցին՝ թե ինչպես անդամակցեց այն կուսակցությանը, որն իր իսկ բնորոշմամբ՝ երկրի տնտեսությունը հասցրել էր «ծայրահեղ ծանր վիճակի»՝ ասաց. «Շատ համարձակ եմ անդամակցել»:
Կարեն Կարապետյանը, սակայն, իր համարձակ պատասխանում սխալ արտասանեց հարազատ կուսակցության անունը՝ ասելով «Հայաստանի Հանրապետության կուսակցություն»:
Հիշեցնենք, որ նախորդ տարի էլ՝ հոկտեմբերի 21-ին, ԱԺ-ում ներկայացնելով կառավարության ծրագիրը, այն ժամանակ դեռ անկուսակցական Կարեն Կարապետյանն ասել էր «Բարգավաճ Հանրապետական կուսակցություն»:
Փաստորեն՝ կուսակցականացման մեկ տարվա ընթացքում վարչապետի մոտ այդպես էլ կուսակցությունների անվանումները չտպավորվեցին:
Լուսանկարը՝ Photolure-ի
