20.01.2026 | 18:53
Հայաստանը՝ Թրամփի «Խաղաղության խորհրդում»․ մշտական անդամ դառնալու գինը 1 մլրդ դոլար է. ՏԵՍԱՆՅՈՒԹ
Մեկի իրավական վիճակը ավելի բարվոք դարձավ, քանի որ հարազատը շուտ մահացավ․ՊՆ փոխնախարարը համաձայն չէ. ՏԵՍԱՆՅՈՒԹ
Հասարակություն
23.03.2020 | 11:16
ԱԺ պաշտպանության և անվտանգության հարցերի հանձնաժողովի նիստում քննարկվեց «Զինվորական ծառայության և զինծառայողի կարգավիճակի մասին» օրենքում լրացումներ կատարելու մասին նախագիծը։ Այն ներկայացրել է «Իմ քայլը» խմբակցության պատգամավոր Արմեն Փամբուխչյանը։
Պաշտպանության փոխնախարար Գաբրիել Բալայանը նշեց, որ առաջարկվող նախագծով սոցիալական հավասարության սկզբունքն է ոտնահարվում։
«Դեկտեմբերի 17-ին դեպքը տեղի է ունենում, ու մինչև հունվարի 31-ը հնարավորություն կա տարկետում տալու: Այս պարագայում, փաստորեն, ինչ-որ մեկի համար, եթե արդեն զորակոչվել է ու հագել համազգեստը, խիստ անհավասար պայմաններ ենք առաջադրում։ Ես ներողություն եմ խնդրում, բայց ոնց որ մեկի իրավական վիճակն ավելի բարվոք դարձավ, որի հարազատը 1 օր կամ 2 օր շուտ մահացավ, մյուսինը՝ 1-2 օր հետո, իրավական կարգավիճակը լրիվ այլ է, իրեն տալիս ենք 5 օր կամ 10 օր։ Սոցիալական հավասարության մասին այստեղ խոսք գնալ չի կարող, նույն իրավահավասար անձինք՝ ընդամենը ոչ իրենցից կախված դեպքից, որի հետ կապ չունեն ընդհանրապես, և նրանք, ստացվում է, անհավասար պայմաններում են գտնվում, այստեղ խնդիր ենք ունենալու նաև Սահմանադրության հետ»,- ասաց փոխնախարարը։
Մանրամասները՝ տեսանյութում:
