24.04.2026 | 23:32
Կապանում ջրանջատում կլինի
WhatsApp-ն ու ԱՀԿ-ն պաշտոնական ալիք են ստեղծել
Քաղաքականություն
21.03.2020 | 18:52
WhatsApp հավելվածում գործարկվել է պաշտոնական ալիք, որն Առողջապահության համաշխարհային կազմակերպության անունից պատասխանելու է մարդկանց հարցերին։ Այն նաև ամենօրյա թարմ տեղեկություններ է տրամադրելու վարակի տարածման վերաբերյալ։ Այս մասին տեղեկանում ենք Whatsapp հավելվածի պաշտոնական կայքից:
WHO Health Alert ալիքի լրահոսում լինելու են օգտակար խորհուրդներ նոր կորոնավիրուսի դեմ պայքարի վերաբերյալ, ճանապարհորդական խորհուրդներ, 24 ժամ թարմացվող պաշտոնական տեղեկատվություն, ինչպես նաև նոր կորոնավիրուսի մասին ապատեղեկատվության պարզաբանումներ:
Ալիքին միանալու համար անհրաժեշտ է ԱՀԿ-ին պատկանող +41-79-893-1892 համարին ուղարկել «Hi» հրահանգը։
Աղբյուրը նշում է, որ սա նաև կծառայի պետական պաշտոնյաներին՝ տրամադրելով համավարակի վերաբերյալ վերջին թվերը և իրավիճակի մասին զեկույցները:
Ծառայությունն ի սկզբանե գործարկվելու է անգլերենով, սակայն առաջիկա շաբաթվա ընթացքում հասանելի կլինի ՄԱԿ-ի բոլոր վեց լեզուներով (անգլերեն, արաբերեն, չինարեն, ֆրանսերեն, ռուսերեն և իսպաներեն): Ծառայությունից օգտվելն ամբողջությամբ անվճար կլինի:
Նելլի Մելքոնյան
