18.10.2026 | 15:12
Ֆրանսիայում ցուցարարները հրկիզել են Լիմոժի քաղաքապետարանի պատմական շենքը
Ռուսաստանը 13 երկրի, այդ թվում՝ Հայաստանին, կորոնավիրուսի թեստեր է տրամադրել
Քաղաքականություն
21.03.2020 | 17:36
Ռուսաստանը 13 երկրի կորոնավիրուսի թեստեր է տրամադրել: Դրանք արտադրվել են ռուսական ձեռնարկություններից մեկում։ Այս մասին հայտնում է rbc-ն՝ հղում տալով ՌԴ Սպառողների իրավունքների պաշտպանության և մարդու բարեկեցության վերահսկման դաշնային ծառայությանը:
Թեստերն արդեն փոխանցվել են ԵՏՄ անդամ պետություններին, ԱՊՀ երկրներին, ինչպես նաև Իրանին, Մոնղոլիային և Հյուսիսային Կորեային: Շուտով դրանք նաև Եգիպտոսին, Սերբիային ու Վենեսուելային կմատակարարվեն:
Տրամադրվող թեստերը թույլ կտան 100 հազարից ավելի հետազոտություն իրականացնել: Կորոնավիրուսի թեստ ստացող երկրների շարքում է նաև Հայաստանը։ Աղբյուրը հայտնում է, որ հենց Ռուսաստանի տրամադրած թեստերի միջոցով են հայտնի դարձել կորոնավիրուսի վարակակիրների առաջին դեպքերը Հայաստանում, Բելառուսում, Ղրղզստանում և Ուզբեկստանում։
Նշվում է, որ թեստերը մշակվել են նովոսիբիրյան «Վեկտոր» ինստիտուտում:
Նելլի Մելքոնյան
