Քաղաքականություն
20.03.2020 | 21:35ԱԺ-ն քննարկում է Վարչական իրավախախտումների վերաբերյալ օրենքում լրացումներ կատարելու և Քրեական օրենսգրքում լրացումներ կատարելու նախագծերի փաթեթը։ Արդարադատության փոխնախարար Վահե Դանիելյանի խոսքով՝ նախագծերի փաթեթն ապահովելու է արտակարգ դրություն իրավական ռեժիմի սահմանված կարգը։
«Ներկայումս անձինք մեկուսացվում և ինքնամեկուսացվում են՝ հիմք ընդունելով այն հանգամանքը, որ համաճարակի կանխման և դրա հետևանքները նվազագույնի հասցնելու համար այդ միջոցառումների անհրաժեշոտթհյունը կա, սակայն ոչ բոլոր քաղաքացիներն են հոժարակամ մեկուսացվում կամ ինքնամեկուսացվում, կամ դրա ընթացքում ապահովում սահմանված կարգը»,- նշեց փոխնախարարը։
Նրա խոսքով՝ առաջարկվում է Վարչական իրավախախտումների վերաբերյալ օրենսգրքում լրացում կատարել, որով կնախատեսվի, որ արտակարգ դրության ժամանակ մեկուսացման կամ ինքնամեկուսացման պահանջները խախտելու դեպքում սահմանվում է վարչական պատասխանատվություն՝ նվազագույն աշխատավարձի երեքհարյուրապատիկի և հինգհարյուրապատիկի չափով։ Տուգանքի նշանակում նախատեսվում է նաև սահմանված տեղեկությունների հրապարակման կամ տարածման սահմանափակումների խախտման դեպքում։
Մանրամասները՝ տեսանյութում:
