20.01.2026 | 23:19
Երևանի և 7 մարզի մի շարք հասցեներում էլեկտրաէներգիայի անջատումներ կլինեն
Հայաստանը ամենաերջանիկ երկրների շարքում 116-րդն է. մարտի 20-ը Երջանկության միջազգային օրն է
Հասարակություն
20.03.2020 | 14:41
2012 թվականին ՄԱԿ-ը մարտի 20-ը հռչակել է Երջանկության միջազգային օր: Գաղափարի հեղինակների կարծիքով՝ այս տոնի նպատակն է ցույց տալ, որ երջանկությունը համամարդկային ձգտում է, ինչի առթիվ էլ ՄԱԿ-ը բոլոր երկրներին կոչ է անում իրենց ջանքերն ուղղել յուրաքանչյուր մարդու բարեկեցության ապահովմանը:
ՄԱԿ-ի ամենամյա «Երջանկության զեկույցի» ուսումնասիրության համաձայն՝ աշխարհի ամենաերջանիկ երկրների շարքում Հայաստանը 116-ն է՝ ինչպես նախորդ տարում: 2018-ի համեմատ՝ Հայաստանը բարելավել է դիրքերը 13 հորիզոնականով:
Զեկույցի համաձայն՝ ամենաերջանիկ երկրների հնգյակում են Ֆինլանդիան, Դանիան, Շվեյցարիան, Իսլանդիան և Նորվեգիան: Հարևան Վրաստանն ամենաերջանիկ երկրների շարքում 117-րդն է, Թուրքիան՝ 93-րդը, իսկ Ադրբեջանը՝ 89-րդը: Զեկույցում ընդգրկված երկրներն ուսումնասիրվում են ըստ իրենց քաղաքացիների եկամուտների, ազատության, վստահության, կյանքի տևողության և սոցիալական ապահովության:
Նելլի Մելքոնյան
