Իտալիայի քաղաքացու հետ շփված 6 ընտանիքներ կարանտինի մեջ են իրենց շենքում։ Այս մասին լրագրողների հետ հանդիպմանը տեղեկացրեց առողջապահության նախարար Արսեն Թորոսյանը:
«Ամբողջ աշխարհում հրաժարվում են կարանտինից հատուկ վայրերում, և ավելի շատ կենտրոնանում են ինքնամեկուսացման վրա։ Երկրներ կան, որ դրա խախտման համար նախատեսում են պատասխանատվություն, ինչը նաև արվելու է Հայաստանում։ Մենք կարծում ենք, որ եթե համաճարակաբանական ցուցումներով անձին ցուցված է, պարտադրված է ինքնամեկուսացում, ապա դրա խախտումը պետք է ունենա հետևանքներ՝ ընդհուպ մինչև քրեական պատասխանատվություն, և մենք հիմա աշխատում ենք օրենքների վրա։ Վարակի տարածմանը զուգընթաց մենք պետք է հասկանանք՝ սա մեկ-երկու ամսվա խնդիր չէ, պաշտպանիչ միջոցառումները պետք է տարածենք ժամանակի մեջ, նույնիսկ արտակարգ դրության ավարտից հետո»,- հավելեց նախարարը։
Մանրամասները՝ տեսանյութում։
