07.03.2026 | 15:16
Խաղաղությունից հետո ջրի խնդրի վրա ենք կենտրոնանում․ Փաշինյանը՝ Պեմզաշենում․ ՏԵՍԱՆՅՈՒԹ
Ընտանեկան բռնությունը կանխարգելող օրինագծում կան վիճահարույց կետեր. Շարմազանով
Քաղաքականություն
01.11.2017 | 14:04
«Ընտանեկան բռնության կանխարգելման և դրա դեմ պայքարի մասին» օրենքի նախագիծի նախնական տարբերակում կան վիճահարույց դրույթներ: Այս մասին այսօր խորհրդարանում լրագրողների հետ հանդիպմանը պնդեց ԱԺ փոխնախագահ Էդուրադ Շարմազանովը:
«Այնպես չէ, որ միայն Հանրապետականն է մտահոգություն հայտնել, լսումների ժամանակ առնվազն 2 այլ խմբակցություններից եղել են պատգամավորներ, որոնք իրենց մտահոգություններն են հայտնել օրենքի նախնական տարբերակի հետ կապված: Ես զարմանում են, որ դուք զարմանում եք, որ կա մտահոգություն»,- ասաց նա:
Շարմազանովի պատկերացմամբ՝ օրենքում հստակություն չկա, թե ինչ է նշանակում տնտեսական, հոգեբանական բռնություն, որոշակիություն չկա նաև ապաստարանների մասով:
«Կան ծնողի հեղինակության հետ կապված խնդիրներ, հազար ու մի պրոբլեմ կա: Այնպես չէ, որ իմ ասածը վերջին ճշմարտությունն է, պարզապես մենք ազգային պահպանողական կուսակցություն ենք ու մեկ անգամ չէ, որ ասել ենք, որ պետության հիմնասյունն ավանդական ընտանիքն է: Եթե մարդիկ մոռացել են, ապա հիշեցնեմ, որ 2016 թվականին նոյեմբերի 26-ի հանրապետական համագումարում ՀՀ նախագահ, ՀՀԿ կուսակցության նախագահ Սերժ Սարգսյանը նշեց, որ մեր պետության հիմքն ավանդական հայկական ընտանիքն է: Բոլոր այն կետերը, որոնք խնդրհարույց են հայկական ավանդական ընտանիքի համար, մենք պետք է առաջարկենք վերանայել»,- ընդգծեց Շարմազանովը:
Մանրամասները՝ տեսանյութում:
