28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Կորոնավիրուսի պատճառով մարդիկ տանն են, օնլայն վիճակախաղերով են զբաղվում․ թերացել ենք․ Հայկ Սարգսյան. ՏԵՍԱՆՅՈՒԹ
Հասարակություն
18.03.2020 | 17:01
Կորոնավիրուսով պայմանավորված՝ մարդիկ պարտադրված տանն են մնում, և սրա հետևանքով օնլայն վիճակախաղերով զբաղվողների թիվը կտրուկ աճել է: Այս մասին ԱԺ տնտեսական հարցերի մշտական հանձնաժողովի նիստում հայտարարեց «Իմ քայլը» խմբակցության պատգամավոր Հայկ Սարգսյանը։
Նշենք, որ հանձնաժողովը քննարկում է «Հայաստանի Հանրապետության ընդերքի մասին օրենսգրքում լրացումներ և փոփոխություններ կատարելու մասին» նախագիծը:
Պատգամավորն անդրադարձավ նախագիծը հետաձգելու, հետո օրենսդրական փոփոխություններ անելու առաջարկին:
«Մենք դրա դառը փորձը ունենք՝ կապված վիճակախաղերի հետ: Երբ մենք վիճակախաղերի վերաբերյալ օրենսդրական նախաձեռնություն ունեինք, որով ՀՀ-ում պետք է սահմափակեինք բուքմեյքերական գրասենյակների կողմից վիճակախաղերի իրականացումը, ես այն ժամանակ ասում էի, որ քաղաքացիների 80 տոկոսը վիճակախաղերով զբաղվում է օնլայն տիրույթում, ոչ թե գրասենյակներում: Մենք որոշեցինք սպասել, հարցը մեկ տարվա ընթացքում քննարկել նաև օնլայնի մասով: Հիմա ունենք մի իրավիճակ, երբ ժողովուրդը պարտադրված տանն է մնում, և սրա հետևանքով օնլայն վիճակախաղերով զբաղվողների թիվը կտրուկ աճել է»,- ասաց նա:
Հայկ Սարգսյանը նշեց, որ ոչինչ չի արվել՝ ընդգծելով, որ դրանում կա բոլորի թերացումը, այդ թվում՝ իր։
Մանրամասները՝ տեսանյութում:
