18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Մոսկվան զենքի նոր խմբաքանակ կմատակարարի Երևան. Սերժ Սարգսյան
Տնտեսություն
01.11.2017 | 13:00
Մոսկվան մոտ ժամանակներս Երևան կառաքի զենքի խմբաքանակ՝ գործող պայմանագրի շրջանակում: Իսկ 100 միլիոն դոլարի նոր, արդեն ստորագրված վարկային համաձայնագրի իրականացումը կսկսվի միջպետական համաձայնագրերի հաստատվելուց հետո: Այդ մասին РИА Новости-իի հետ զոույցում հայտարարել է ՀՀ նախագահ Սերժ Սարգսյանը:
«Մինչև տարեվերջ մենք կիրականացնենք դեռ նախորդ պայմանագիրը. մոտ օրերս նոր մատակարարումների ենք սպասում, ու մինչև տարվա վերջ կփակվեն նախորդ պայմանագրի հետ կապված բոլոր հարցերը»,- ասել է Սերժ Սարգսյանը:
«Երևանում ստորագրել ենք նոր պայմանագիր, այն պետք է անցնի ռուսական և հայկական բոլոր ատյաններով, ապա վավերացվի, իսկ դրանից հետո կսկսենք ռուսական կողմի արտադրողների հետ մեր աշխատանքը՝ ծրագիրը կյանքի կոչելու համար: Դա, ցավոք, այդքան արագ չի ստացվի»,- հավելել է Հայաստանի նախագահը:
Համաձայն համաձայնագրի, որը Հայաստանի կառավարությունը հավանության է արժանացրել հոկտեմբերի 12-ին, ՌԴ-ն հայկական կողմին կտրամադրի պետական արտահանման վարկ՝ ռուսական արտադրության ռազմական նշանակության արտադրանքների մատակարարումները ֆինանսավորելու համար: Հայկական կողմը պարտավորվել է որպես կանխավճար տալ վարկի գումարի 10 տոկոսը:
Վարկը տրամադրվում է 15 տարի մարման ժամկետով, տարեկան 3 տոկոս տոկոսադրույքով: Հայաստանը պետք է օգտվի վարկային միջոցներից 2018-2022 թվականներին:
