22.05.2026 | 11:10
Արթուր Ալեքսանյանի անվան մարզադպրոցի շինարարությունը նոր թափ է ստացել, ներգրավվել է նոր կապալառու․ ԼՈՒՍԱՆԿԱՐՆԵՐ
Եվս 6 նոր դեպք․ կորոնավիրուսով վարակված է 78 անձ․ Արսեն Թորոսյան. ՏԵՍԱՆՅՈՒԹ
17.03.2020 | 21:51
Վերջին տվյալներով՝ ունենք կորոնավիրուսով վարակման ևս 6 նոր դեպք, որոնք կապված են արտադրամասում հայտնաբերված դեպքի հետ։ Այսպիսով, կորոնավիրուսով վարկման հաստատված դեպքերի թիվը 78 է: Ֆեյսբուքյան ուղիղ եթերում այս մասին հայտարարեց ՀՀ առողջապահության նախարար Արսեն Թորոսյանը։
Նա հիշեցրեց, որ 18 դեպքը եղել է կարանտինում գտնվող քաղաքացիների մոտ. «Եթե մենք չհետազոտեինք, հնարավոր է՝ 14-րդ օրը նրանց մոտ չհայտնաբերվեր էլ վարակը՝ չունենային վիրուս, ինչպես շատ քաղաքացիներ, հնարավոր է՝ ունեցած էլ լինեն վիրուսը և բուժվեին, բայց դրա մասին իմացած չլինեն»։
Նախարարի տվյալներով՝ օրվա ավարտին մոտ 600 մեկուսացված քաղաքացիներ կլինեն։ Նա ասաց նաև, որ հնարավոր է՝ ևս հարյուրավորները մեկուսացվեն, ինչից հետո կկիրառվի ինքնամեկուսացման մեթոդը։
Հիշեցնենք, որ 78-ից մեկ քաղաքացի փաստացի բուժված է:
«Դեպքերի ճնշող մեծամասնությունը չունի որևէ սիմպտոմ, նույնիսկ ջերմություն էլ չունի, և միայն երկուսի մոտ կար թոքաբորբ, որը, միգուցե, անցել է։ Նորից հիշենք սեփական պատասխանատվության, շփման մեջ սոցիալական տարածության մասին»,- նշեց Արսեն Թորոսյանը։
Մանրամասները՝ տեսանյութում:
