Կորոնավիրուսը խառնել է Արցախի նախագահի թեկնածուների ծրագրերը․ ո՞վ ինչ միջոցի կդիմի

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Ինչպես ավելի վաղ Factor.am-ը հայտնել էր, Արցախում կորոնավիրուսով վարակման դեպք չի արձանագրվել։ Ըստ Արցախի առողջապահության նախարար Արայիկ Բաղրյանի, 71 քաղաքացու թեստ է ուղարկվել Երևան, բոլորն էլ բացասական պատասխան են ունեցել։ Իսկ Շուշիի հիվանդանոցում մեկուսացված երկու քաղաքացիներն արդեն դուրս են գրվել։

Կորոնավիրուսի վտանգն Արցախում խուճապ չի առաջացրել, ու թեև քաղաքական պայքարը շարունակում է թեժ մնալ, այդուհանդերձ, նախագահի թեկնածուներն և նրանց թիմերը ընտրողների հետ հանդիպումների ձևաչափերը հարմարեցնում են առկա դրությանը։ Նախագահի թեկնածուներից Վիտալի Բալասանյանը որոշում է կայացրել հրաժարվել ընտրողների հետ հանդիպումներից, վերջինը տեղի կունենա այսօր՝ Սեփանակերտում։

Տարածած հայտարարությունում նախագահի թեկնածուն դժգոհում է, որ նախագահ Բակո Սահակյանին ուղղված իր դիմումը՝ ուժեղացնել կանխարգելիչ քայլերը, մնացել է անհետևանք․ «Մինչ այս պահը ես չեմ տեսնում աշխատանքների ակնհայտ արդյունքները: Մարդիկ փողոցներում քայլում են առանց դիմակների, ԱՀԿ առաջարկությունների տարածումը համակարգային չէ, վարակի համար քննությունը հանձնելու հրահանգներ չկան: Մենք չգիտենք՝ ունենք արդյոք վարակվածներ, թե՝ ոչ: Մենք նույնիսկ չգիտենք, թե արդյոք մենք հնարավորություն ունենք ստուգվել, թե՝ ոչ»։

Վաղվանից Վիտալի Բալասանյանը պատրաստվում է քաղաքացիների հետ շփվել առցանց ռեժիմով։

Նախագահի թեկնածուներից Արայիկ Հարությունյանը երեկվանից դադարեցրել է քաղաքացիների հետ հանդիպումները փակ տարածքներում։ Factor.am-ի հետ զրույցում «Ազատ հայրենիք» կուսակցության մամուլի խոսնակ Վահրամ Պողոսյանը  մանրամասնեց․ «Քաղաքացիների հետ շփումը իրականացվում է նաև օնլայն հարթակներում, հեռուստաեթերով, փակ տարածքներում հանդիպումները դադարեցված են»։ Արայիկ Հարությունյանի կուսակիցն ասաց՝ իրենք գտնում են, որ մարտի 31-ին Արցախում նշանակված համապետական ընտրությունները հետաձգելու անհրաժեշտություն չկա:

«Եթե իրավիճակի որևէ սրացում չլինի, միանշանակ է, որ ընտրությունները պետք է անցկացվեն՝ հաշվի առնելով ընտրությունների անցկացման սահմանադրական պահանջը և հաշվի առնելով, որ եթե ընտրությունները չկայանան սահմանված ժամկետներում,  կարող է որոշակի քաղաքական ճգնաժամ առաջանալ»,- ասաց Արցախի իշխող կուսակցության մամուլի խոսնակ Վահրամ Պողոսյանը։ Իսկ վերջում ավելացրեց՝ քարոզարշավը բնականոն հունով է ընթանում և առանձնապես խնդիրներ առկա չեն․ «Պետք է ամեն ինչ արվի, որ կարողանանք ռիսկերը նվազեցնել»։

Արցախի նախագահի թեկնածուներից Վահան Բադասյանը Factor.am-ի հետ զրույցում տեղեկացրեց, որ այս պահի դրությամբ ընտրողների հետ շփման ձևաչափի փոփոխության վերաբերյալ որոշում չունեն, սակայն կա նման քննարկում․ «Քննարկում ենք՝ շարունակե՞լ, թե՝ ոչ։ Որոշման մասին կհայտնենք»։

Նախագահի թեկնածու Մասիս Մայիլյանն արդեն իսկ անցում է կատարել քաղաքացիների հետ շփման առցանց ռեժիմի՝ մարտի 15-ին ֆեյսբուքյան ուղիղ եթերում պատասխանել է քաղաքացիների հարցերին։ Իսկ Մայիլյանի պաշտոնական էջում այսօրվա ամսաթվով հրապարակված է փակ տարածքում քաղաքացիների հետ հանդիպման տեսանյութ։ Մասիս Մայիլյանի նախընտրական շտաբի ներկայացուցիչ Մոնթե Մադոյանը Ֆactor.am-ին պարզաբանեց, որ հանդիպումը օրեր առաջ է տեղի ունեցել, սակայն տեսանյութն այսօր է ներբեռնվել։ Մադոյանն ասաց՝ այն բանից հետո, երբ ՀՀ-ն պաշտոնապես առողջապահության, անվտանգության և այլ միջոցառումների մասին հայտարարեց, իրենք էլ քննարկել են առկա վիճակը և որոշում կայացրել գնալ սահմանափակումների. «Եթե նկատել եք, առաջին ուղիղ եթերը Մասիս Մայիլյանն է իրականացրել ֆեյսբուքյան էջում։ Դա նախապատրաստական քայլ էր։ Նախատեսում ենք քարոզարշավը տեղափոխել ֆեյսբուքյան տիրույթ, նաև՝ ԶԼՄ-ների միջոցով շփվենք քաղաքացիների հետ, որպեսզի նվազագույնի հասցնենք հնարավոր ռիսկերը»։

Հանդիպումների մասով ասաց՝ նախատեսում են այցելել փոքր համայնքներ, որպեսզի մարդկային մեծ կուտակումներ չլինեն։ Հավաստիացրեց՝ կհոգան, որ հանդիպումներն անցնեն բացօթյա և մինիմալի կհասցնեն փակ տարածքներում կուտակումները։

Ռոբերտ Անանյան