04.07.2026 | 13:33
Հայաստանը ձգտում է արհեստական բանականությունը դարձնել տնտեսական աճի շարժիչ ուժ․ Մխիթար Հայրապետյանի հարցազրույցը Apolitical-ին
Ֆեյսբուքում կորոնավիրուսի մասին ոչ պաշտոնական տեղեկություններ տարածողները կտուգանվեն. փոխնախարար. ՏԵՍԱՆՅՈՒԹ
Հասարակություն
17.03.2020 | 16:55
Երեկվանից մինչ այս պահն արտակարգ դրության խախտման դեպքեր են արձանագրվել հիմնականում ԶԼՄ-ների առանձին հրապարակումների վերաբերյալ։ Այս մասին այսօր լրագրողների հետ հանդիպմանն ասաց արդարադատության փոխնախարար Վահե Դանիելյանը։
Նա նշեց, որ քիչ առաջ հանդիպում է ունեցել ԶԼՄ ներկայացուցիչների հետ, որի ընթացքում քննարկվել են առկա սահմանափակումները։
Դանիելյանի կարծիքով՝ կա որոշակի թյուրընկալում սահմանափակումների հետ կապված, հիմնականում, թե որ տեսակի տեղեկատվությունն իրավունք ունեն հրապարակելու ԶԼՄ-ները, իսկ ինչպիսի տեղեկություն՝ ոչ։
«Մեր քննարկումների արդյունքում, կարծում ենք, դեպքերը կնվազեն, իսկ խուճապ չառաջացնելու համար շատ կարևոր է հետևել պաշտոնական լրատվությանը»,- հայտարարեց փոխնախարարը։
Նա նաև ասաց, որ սոցիալական ցանցերում ոչ պաշտոնական տեղեկություններ հրապարակողները ևս պատասխանատվության կենթարկվեն։
Հարցին՝ ի՞նչ սահմանափակումներ են նախատեսվում ռեստորանների համար, Դանիելյանը պատասխանեց, որ այս պահին դրանք չկան։ «Սակայն, ինչպես նշեցի, պարետի ցուցմամբ՝ հանրային սննդի օբյեկտների գործունեությունը կարող է սահմանափակվել, բայց այս պահին չկա պարետի նման ցուցում, դա կարող է լինել ըստ անհրաժեշտության և կոնկրետ որևէ վարչատարածքային միավորում»,- ասաց փոխնախարարը։
Մանրամասները՝ տեսանյութում:
