04.07.2026 | 13:33
Հայաստանը ձգտում է արհեստական բանականությունը դարձնել տնտեսական աճի շարժիչ ուժ․ Մխիթար Հայրապետյանի հարցազրույցը Apolitical-ին
Մի քաղաքացի գնել է 108 հատ զուգարանի թուղթ. ՏՄՊՊՀ նախագահ. ՏԵՍԱՆՅՈՒԹ
Հասարակություն
17.03.2020 | 12:46
ՏՄՊՊՀ նախագահ Գեղամ Գևորգյանն այսօր լրագրողների հետ հանդիպմանն անդրադարձավ հանրությանը հուզող հարցերին՝ տեղեկացնելով, որ ՏՄՊՊՀ-ն տիրապետում է այս պահին շուկայում տիրող գնային իրավիճակին նաև մարզերում, և այս պահին ամբողջ հանրապետությունում տոտալ վերահսկողություն իրականացնելու կարիք չկա:
Գևորգյանը հայտնեց՝ ալյուրի, ցորենի, շաքարավազի, ձեթի, կարագի, պանրի, թթվասերի խնդիր չկա:
«44 անուն ապրանք ենք մոնիթորինգ անում, ամենաշատը գնվել է նպարեղեն, ճանապարհին կա նոր բեռ, որը հասնում է ՀՀ, նաև պահեստներում կա, բայց էլի հորդորում եմ մնալ խելամիտ սահմաններում գնումներ կատարելիս: Մարդիկ խուսափում են խանութներից ամեն օր գնում կատարել, բայց հերթերում հավաքվելն ավելի մեծ խնդիր է: Գնում կատարելիս խնդրում եմ հիշեք, որ դրանք ունեն ժամկետներ: Որ գնում են 4 արկղ ձու, այն ունի ժամկետ, իմաստ չունի, իսկ գոնե ձվի առումով մեր հանրապետությունում կա ավելցուկ»,- ասաց նա:
ՏՄՊՊՀ նախագահը հորդորեց գնումներ կատարել խելամտության սահմաններում: Որպես օրինակ՝ նա նշեց, որ մի քաղաքացի գնել է 108 հատ զուգարանի թուղթ:
Մանրամասները՝ տեսանյութում:
