22.06.2026 | 16:12
ՄԻՊ հանձնարարությամբ ՔԿՀ-ներում սկսվել են մշտադիտարկման այցեր՝ ընտրական իրավունքների ապահովման համար
Իմ մայրը երբևէ չի հետազոտել նոր կորոնավիրուսով վարակված կնոջը. Էջմիածնի քաղաքապետ
15.03.2020 | 14:18
Էջմիածնի քաղաքապետ Դիանա Գրիգորյանը ֆեյսբուքյան գրառմամբ հերքել է իր մոր՝ Էջմիածնի ինֆեկցիոն բաժանմունքի վարիչի՝ Էջմիածնի կորոնավիրուսային առաջին վարակակիր կնոջը հետազոտելու մասին լուրը:
«Այսպես, ամենայն պատասխանատվությաբ ու մեկընդմիշտ հայտարարում եմ, որ իմ մայրը, ով Էջմիածնի ինֆեկցիոն բաժանմունքի վարիչն է, երբևէ նոր կորոնավիրուսային վարակի առաջին դեպքին՝ այսքան քննարկվող կնոջը, չի հետազոտել: Վերջապես դադարեցրեք այս իրավիճակում մոլորության մեջ գցել հանրությանը և փորձել խաթարել նրանց հավատն առ պետական ու տեղական մարմիններ:
?Երեքշաբթի օրն այդ կինը գանգատներով դիմել է «Վաղարշապատի հիվանդանոց» ՊՓԲԸ-ի թերապևտիկ բաժանմունք, անցել ստուգում բժիշկ-թերապևտի և ռենտգենոլոգի մոտ: Նրա մոտ անմիջապես ախտորոշվել է թոքաբորբ, նշանների մասին թերապևտը ՀԵՌԱԽՈՍՈՎ տեղեկացրել է ինֆեկցիոն բաժանմունքի վարիչին՝ մայրիկիս, (ինֆեկցիոն բաժանմունքի վարչական շենքն, ի դեպ, գտնվում է քաղաքի մյուս ծայրում): Տեղեկանալով ախտանշաններին և այն հանգամանքին, որ քաղաքացին ժամանել է Իտալիայից, մայրս անմիջապես հրահանգել է դիմել Նորքի ինֆեկցիոն հիվանդանոց:
‼️Նորից եմ կրկնում, իմ մայրը ԵՐԲԵՎԷ չի հետազոտել նոր կորոնավիրուսով վարակված կնոջը, առավել ևս նրան չի ուղղորդել գնալ տուն:
ՍՏՈՐԱԳՐՈՒԹՈՒՆ
ԿՆԻՔ
Հ.Գ. Եթե այդ լուրերն իրականությանը համապատասխանեին, հիմա իմ մայրը մյուս երկու բժշկի հետ մեկուսացված կլիներ Ծաղկաձորում»,- գրել է նա:
