10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գաբրիելյանին. ՏԵՍԱՆՅՈՒԹ
«Կանչ են տալիս, ասում՝ երևի վարակվել ենք». ինչպե՞ս են շտապօգնությունում արձագանքում կորոնավիրուսին. ՏԵՍԱՆՅՈՒԹ
Հասարակություն
13.03.2020 | 16:16
Հայաստանում կորոնավիրուսի հաստատված 8 դեպքից հետո շտապօգնությունը շարունակում է բնականոն աշխատանքը, սակայն վերջին շրջանում ամեն օր ստացվող հարյուրավոր զանգերին ավելացել է ևս մեկ տեսակի կանչ՝ կորոնավիրուսինը։
Կորոնավիրուսի հաստատված դեպքերից հետո շտապօգնությունում կանչերի թիվը գրեթե չի փոխվել, նույնիսկ նվազել է: Վերջին 24 ժամում այստեղ 786 կանչ է գրանցվել, մի մասը՝ սուր շնչառական վարակի դեպքեր։
«Շտապբուժօգնություն» ՓԲԸ տնօրեն Թագուհի Ստեփանյանը ներկայացնում է՝ ինչպես են կանչից առաջ պատրաստվում. «Բնականաբար, անձնակազմն ավելի պատրաստված տեսքով է գնում կանչի, և այսօր մենք ունենք բոլոր անհրաժեշտ պարագաները, որոնցով կարող ենք պաշտպանել և՛ մեզ, և՛ հիվանդին։ Մեքենաներն ունեն իրենց համապատասխան սարքավորումները, որոնք միացնելիս արդեն մաքրում են մեքենայի օդը, համապատասխան բակտերիոցիդ լամպերը պարտադիր օգտագործվում են։ Այնուհետև, հեղուկների միջոցով կարողանում ենք բոլոր մակերեսները մաքրել և ախտահանել»:
Հիշեցնենք՝ երեկ երեկոյան հայտնի դարձավ, որ Հայաստանում կորոնավիրուսի ևս երկու դեպք է արձանագրվել: Վարակակիրներն այժմ հոսպիտալացված են Նորքի ինֆեկցիոն հիվանդանոցում: Առողջապահության նախարար Արսեն Թորոսյանի տեղեկացմամբ՝ նրանք շփում են ունեցել Էջմիածնի այն բնակչի հետ, որի մոտ մարտի 11-ին կորոնավիրուս էր հայտնաբերվել:
Մանրամասները՝ տեսանյութում։
Նելլի Մելքոնյան
