20.01.2026 | 15:51
Ալեն Սիմոնյանն ընդունել է ՀՀ-ում Բուլղարիայի նորանշանակ դեսպանին
Հաստատվել է նոր կորոնավիրուսի 2 նոր դեպք. Արսեն Թորոսյան
12.03.2020 | 20:35
Հայաստանում հաստատվել է նոր կորոնավիրուսի 2 նոր դեպք: Պացիենտները հոսպիտալացված են ինֆեկցիոն հիվանդանոցում: Այս մասին ֆեյսբուքյան գրառման միջոցով տեղեկացրել է առողջապահության նախարար Արսեն Թորոսանը։
«Վերջիններս հաստատված նոր կորոնավիրուսով Էջմիածնի քաղաքացու հետ սերտ շփում ունեցած անձանց շրջանակից են, որոնք երեկ երեկոյան մեկուսացվել էին: Նրանց մոտ դիտվել էր ջերմության բարձրացում, ինչի կապակցությամբ նրանք տեստավորվել են, որի արդյունքում հիվանդությունը նրանց մոտ հաստատվել էր: Այս պահին նրանց ինքնազգացողությունը լավ է, նրանք չեն ջերմում»,- նշել է Արսեն Թորոսյանը։
Հիշեցնենք, որ երեկ երեկոյան հայտնի դարձավ, որ Հայաստանում նոր տեսակի կորոնավիրուսի երեք նոր դեպք կա։ Վարչապետ Նիկոլ Փաշինյանի տեղեկացմամբ՝ վարակակիրներից երկուսը Հայաստանի քաղաքացի են, երրորդը՝ Իտալիայի, որն աշխատում է Հայաստանում։
Այսօր էլ հայտնի դարձավ, որ հայտնաբերված երեք վարակակրից մեկն Էջմիածնի քաղաքացի է։ Այդ մասին ֆեյսբուքյան ուղիղ եթերի միջոցով տեղեկացրեց Էջմիածնի քաղաքապետ Դիանա Գասպարյանը։ Առավոտյան շտապ օգնության մեծաթիվ մեքենաներով մեկուսացվել են այն քաղաքացիները, որոնք վարակակրի հետ շփում են ունեցել։
