22.05.2026 | 16:34
Քննչական կոմիտեի նախագահն ընդունել է ՀՀ-ում Իրանի դեսպանին
«Կորոնավիրուսով վարակված 3 քաղաքացուց մեկն Էջմիածնից է». Էջմիածնի քաղաքապետ
Հասարակություն
12.03.2020 | 11:54
Համացանցում տեղեկություն է տարածվել, թե երեկ բացահայտված կորոնավիրուսով վարակվածներից 3-ն էլ Էջմիածնից են, մինչդեռ նրանցից միայն մեկն է Էջմիածնի բնակիչ: Ֆեյսբուքյան էջում այս մասին գրել է Էջմիածնի քաղաքապետ Դիանա Գասպարյանը։
Նրա տեղեկացմամբ՝ վարակակիրը մեկուսացված է, պարզվում է նրա հետ շփված անձանց հնարավոր շրջանակը:
«Մշտապես կապի մեջ եմ ՀՀ առողջապահության նախարար Արսեն Թորոսյանի հետ և հարկ եղած դեպքում կտրամադրեմ լրացուցիչ տեղեկատվություն: Խնդրում եմ չմատնվել խուճապի, պարզապես պահպանել անվտանգության ու հիգիենայի կանոնները»,- գրել է Դիանա Գասպարյանը։
Նշենք, որ կորոնավիրուսով վարակված էջմիածնեցին նշանադրության արարողության է մասնակցել: Նրա հետ շփում ունեցած մարդկանց մեկուսացրել են:
Հիշեցնենք՝ երեկ երեկոյան հայտնի դարձավ, որ Հայաստանում նոր տեսակի կորոնավիրուսի երեք նոր դեպք կա: Նրանցից 2-ը ՀՀ քաղաքացի են, մեկը՝ Իտալիայի, որն աշխատում է Հայաստանում: Նրանք բոլորը մեկուսացված են:
