10.08.2026 | 22:26
Սևանա լճի մակարդակը հունվարի 1-ի համեմատ բարձր է 52 սմ-ով
ԱՄՆ-ում ՀՀ դեսպանատունը քաղաքացիներին հորդորում է հյուպատոսական հաշվառման կանգնել
Հասարակություն
12.03.2020 | 11:32
ԱՄՆ-ում ՀՀ դեսպանատունը ֆեյսբուքյան էջում հաղորդագրություն է հրապարակել՝ ՀՀ քաղաքացիներին հորդորելով հյուպատոսական հաշվառման կանգնել:
«Հաշվի առնելով մի շարք երկրներում կորոնավիրուսի (COVID-19) տարածման արդյունքում ստեղծված իրավիճակը և համաճարակային ռիսկերը՝ հորդորում ենք ԱՄՆ-ում ՀՀ դեսպանության հյուպատոսական տիրույթում գտնվող ՀՀ քաղաքացիներին կանգնել հյուպատոսական հաշվառման կամ տրամադրել տեղեկություն իրենց գտնվելու վայրի վերաբերյալ՝ ուղարկելով տվյալները (անուն, ազգանուն, հայրանուն, ծննդյան ամսաթիվ, բնակության վայր /երկիր, մարզ, քաղաք/ և շուրջօրյա հասանելի բջջային հեռախոսահամար) ստորև նշված էլ-փոստի հասցեին։
Հիշեցնում ենք, որ հյուպատոսական հաշվառման կանգնելը կամավոր և անվճար գործընթաց է, որի նպատակն է ՀՀ քաղաքացիների իրավունքների և շահերի պաշտպանությունն ապահովելը, արտակարգ իրավիճակներում հնարավոր աջակցություն ցուցաբերելը, անհրաժեշտ խորհրդատվություն տրամադրելը»,- ասվում է հաղորդագրությունում։
Հյուպատոսական հաշվառման ավտոմատացված համակարգի հղումը՝ https://www.mfa.am/hy/consular-registration/
ՀՀ դեսպանության էլեկտրոնային փոստի հասցեն` [email protected]
ՀՀ դեսպանության հեռախոսահամարը` (202)-319-1976
