02.03.2026 | 23:22
Արհեստական բանականությունը խորհուրդ է տալիս միջուկային հարված հասցնել պատերազմի ավարտի համար. հետազոտություն
Արմավիր ՔԿՀ-ում կալանավորը հացադուլ է հայտարարել
Հասարակություն
11.03.2020 | 16:16
Factor.am-ին ահազանգել էր «Արմավիր» ՔԿՀ-ում 7 ամիս կալանքի տակ գտնվող Արթուր Սահակյանի հայրը՝ Աշոտ Սահակյանը։ Նա տեղեկացրեց, որ որդին արդեն շուրջ 5 օր է, ինչ հացադուլ է հայտարարել։ Խարդախության համար կալանքի տակ գտնվող Սահակյանի հայրը պնդում է, թե որդին բողոքում է մեղադրող դատախազի պահանջած պատժաչափից։
Կալանավորի հոր պնդմամբ՝ որդու հացադուլի մասին իմացել է ՔԿՀ-ից, երբ ցանկացել է տեսակցել նրան։
Քրեակատարողական վարչության հանրային կապերի բաժնի պետ Նոնա Նավիկյանը մեզ փոխանցեց, որ Սահակյանը հացադուլ է հայտարարել մարտի 6-ից, խնդիրը կապված է քրեական գործի հետ։
Ըստ մեղադրական եզրակացության՝ Արթուր Սահակյանը ուրիշի գույքը խարդախությամբ հափշտակելու մեկ միասնական դիտավորությամբ, նախնական համաձայնության գալով Նելլի Մինասյանի հետ, 2019թ․ սեպտեմբերի 8-ին և 2019թ․ սեպտեմբերի 23-ին Սեյեդհադի Միրխալիլի Հոսսեինին համապատասխանաբար 5 և 15՝ յուրաքանչյուրը 100 գրամ քաշով ոսկյա ձուլակտորների փոխարեն խաբեության եղանակով վաճառել է համապատասխանաբար արծաթի և պղինձ-ցինկ համաձուլվածքներից պատրաստված 5 ձուլակտորներ՝ խարդախությամբ հափշտակելով և տնօրինելով առանձնապես խոշոր չափերի՝ 470,000 ՀՀ դրամ և 3,812,400 ՀՀ դրամին համարժեք 8,000 ԱՄՆ դոլար գումարին, իսկ մնացած 15 կտոր կեղծ ձուլակտորները վաճառելու պահին բռնվել է իրավապահ մարմինների աշխատակիցների կողմից։
Լիլիթ Շաբոյան
