17.10.2026 | 14:04
Հրապարակվել են հոկտեմբերի 25-ին կայանալիք ՏԻՄ ընտրությունների ընտրողների վերջնական ցուցակները
Նորընտիր Սահմանադրական դատարանը չի սրբագրելու որևէ կեղծիք․ Լիլիթ Մակունց. ՏԵՍԱՆՅՈՒԹ
Քաղաքականություն
11.03.2020 | 13:01
ՀՀ-ում եթե որևէ ուժ փորձի կեղծել ընտրությունները, նորընտիր Սահմանադրական դատարանը չի սրբագրելու որևէ կեղծիք։ Այս մասին հայտարարեց Սյունիքում «Այո»-ի քարոզարշավին միացած ԱԺ «Իմ քայլը» խմբակցության ղեկավար Լիլիթ Մակունցը։
Նա նշեց, որ սահմանադրական հանրաքվեով առաջարկվող փոփոխություններն ունեն իրավական, քաղաքական և բարոյական կողմեր։
«Եթե նախկին Սահմանադրությամբ ՍԴ դատավորները կարող էին պաշտոնավարել մինչև 65 տարեկանը, Սահմանադրության 2015 թվականի նոր փոփոխութուներով կարող են պաշտոնավարել 12 տարի։ Եթե նախկին Սահմանադրությամբ նախագահը պաշտոնավարում էր մինչև 65 տարեկանը, նոր Սահմանադրությամբ՝ 6 տարի։ 2018-ի ապրիլից բոլոր սահմանադրական ինստիտուտները գործում են համապատասխան նոր Սահմանադրության՝ բացի ՍԴ-ից, որտեղ կան 9 դատավորներ կամ անդամներ, որոնցից միայն 2 նոր ընտրվածներն են գործում նոր Սահմանադրությամբ, մյուս 7-ը պաշտոնավարում են հին Սահմանադրությամբ։ Հետևաբար՝ այս իրավական անընդունելի իրավիճակը շտկելու համար, և որպեսզի ՍԴ-ն գործի այնպիսին, ինչպիսին հաստատվել է 2015-ին, «Իմ քայլը» խմբակցությունը նախաձեռնել է այս հանրաքվեն, բայց սա հարցի միայն իրավական կողմն է»,- նշեց Լիլիթ Մակունցը։
Մանրամասները՝ տեսանյութում։
