11.01.2025 | 11:33
Արտարժույթների փոխարժեքները՝ հունվարի 11-ի դրությամբ
Ռոբերտ Քոչարյանին ու Սերժ Սարգսյանին պետք է ունեզրկել. կողոպտել են ողջ երկիրը. Լևոն Շիրինյան. ՏԵՍԱՆՅՈՒԹ
Քաղաքականություն
10.03.2020 | 18:05
«Սահմանադրական դատարանը գողապետության ոչ թե վերջին, այլ հերթական բաստիոնն է, որը պետք է հաղթահարվի։ Գողապետության շրջանում, չեմ կարծում, առաջինն այդքան հարստացել է, երկուսին՝ Սերժ Սարգսյանին ու Ռոբերտ Քոչարյանին, պետք է ունեզրկել օրենքով, ինչպես պահանջվում է: Փուչիկը կպայթի, կվերջանա, բայց եթե թողնելու են բանկերը, հանքերը մնան իրենց, բանտից էլ չէ, լուսնի վրայից էլ կկառավարեն գործընթացները»,- Factor TV-ի հետ զրույցում ասաց քաղաքագետ Լևոն Շիրինյանը։
Իսկ ի՞նչ խնդիր կլուծվի նախկին նախագահների ունեզրկմամբ, քաղաքագետի կարծիքով՝ արդարության հաստատման հարց կա:
«Որևէ նախագահ որևէ երկրում չի կարող դիրքը չչարաշահելով հարստանալ, որովհետև աշխատավարձերը հայտնի են, արտոնությունները՝ ևս։ Ինչո՞ւ պետք է նրանց ունեցվածքն ազգայնացվի, որպեսզի այսուհետ ՀՀ-ի որևէ իշխանության մտքով չանցնի, որ կարելի է հարստանալ՝ սեփական հայրենիքը հարստահարելով»,- ասաց Շիրինյանը։
Վարչապետ Նիկոլ Փաշինյանն այսօր ասել է, որ «ՍԴ 7 անդամները պատասխանատու են Հայաստանում բոլոր դժբախտությունների՝ կոռուպցիայի, ընտրակեղծիքների, ապօրինությունների համար, նրանք իշխանության կամակատարն են եղել իրենց գործունեության ողջ ընթացքում՝ Սերժ Սարգսյանի, Ռոբերտ Քոչարյանի, Լևոն Տեր-Պետրոսյանի»:
Հարցին՝ համամի՞տ է այս գնահատականի հետ, քաղաքագետը պատասխանեց. «Պատկեր է առաջանում, որ եթե Լևոն Տեր-Պետրոսյանի հետ վարչապետը քայլել է, ոմանց թվում է՝ մարդիկ հավերժ պարտք են, եթե իրար հետ որևէ գործ են արել։ Հայաստանի ժողովրդավարական զարգացումն ընդհատվել է 1996 թվականի սեպտեմբերի 22-ի նախագահական ընտրություններով, երբ Լևոն Տեր-Պետրոսյանը չընդունեց իր ջախջախիչ պարտությունը։ Հետևապես, այս մոտեցումը բացարձակապես ճիշտ է։ Երբ երկրի վարչապետն է նման գնահատական տալիս, ուրեմն նա հետո իր համար տեղ չի թողնում»։
Հարցազրույցն ամբողջությամբ՝ տեսանյութում:
Ռոբերտ Անանյան
