21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
Ինչո՞ւ է Նիկոլ Փաշինյանը մարտի 19֊ին վերադառնում արձակուրդից
Քաղաքականություն
10.03.2020 | 13:56
Վարչապետ Նիկոլ Փաշինյանը մարտի 10-18-ը ներառյալ և մարտի 20-24-ը ներառյալ կլինի արձակուրդում: Նա մեկ օրով արձակուրդից հետ կգա։ Ինչպես տեղեկանում ենք որոշումից, մարտի 19-ը ազատ օրերի մեջ ներառված չէ։
«Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 12-րդ մասով և 18-րդ հոդվածի 4-րդ մասով ՝
1. Հայաստանի Հանրապետության վարչապետ Նիկոլ Փաշինյանին տրամադրել 2018-2019 թվականների աշխատանքային տարվա ամենամյա նվազագույն արձակուրդի մասը՝ 2020 թվականի մարտի 10-18-ը ներառյալ և մարտի 20-24-ը ներառյալ:
2. Նիկոլ Փաշինյանի՝ արձակուրդում գտնվելու ընթացքում Հայաստանի Հանրապետության վարչապետին կփոխարինի փոխվարչապետ Տիգրան Ավինյանը», – ասված է վարչապետի որոշման մեջ:
Ենթադրելի է, որ վարչապետը մեկ օրով ընդհատում է արձակուրդը՝ ԱԱԾ տնօրենի ու ՀՀ ոստիկանության պետի ժամանակավոր պաշտոնակատարների նշանակումների վերաբերյալ որոշումը ստորագրելու համար։
Հիշեցնենք, որ հենց այդ օրն է լրանում օրենքով սահմանված վերջնաժամկետը։ Օրերս էլ վարչապետն ԱԺ-ում ասել էր, որ արդեն ունի որոշում, որը կհրապարակի մարտի 19-ին։
Նարեկ Կիրակոսյան
