18.12.2025 | 16:27
Ալեն Սիմոնյանն ընդունել է ՀՀ-ում Շվեյցարիայի նորանշանակ դեսպանին
«Դալմա Գարդեն Մոլ»-ը՝ աղբահանության վճարների պարտավորությունների մասին. պարզաբանում
Հասարակություն
10.03.2020 | 13:44
«Դալմա Գարդեն Մոլ»-ից արձագանքել են Factor.am-ի «Նախկին ու ներկա օլիգարխների ընկերությունները չեն վճարում աղբի վարձը․ 220,000 դոլարի պարտք է կուտակվել» հրապարակմանը:
Հիմք ընդունելով Երևանի քաղաքապետարանից մեզ փոխանցված պաշտոնական տվյալները՝ հրապարակել էինք, որ 31 մլն դրամի (31,241,904) կամ 65.000 դոլարի աղբի չվճարված պարտք ունի Ծիծեռնակաբերդի խճ. 3 հասցեում գործունեություն ծավալող տնտեսվարողը: Այստեղ տեղակայված է Երևանի ամենամեծ մոլերից մեկը՝ «Դալմա Գարդեն Մոլը»: Այս կենտրոնը պատկանում է ռուսաստանաբնակ գործարար, «Տաշիր» ընկերությունների խմբի նախագահ Սամվել Կարապետյանին:
«Դալմա Գարդեն Մոլ»-ից պարզաբանել են, որ «Դալմա Գարդեն մոլը» սեփականության իրավունքով պատկանում է Դալմա Ինվեստ ՍՊԸ-ին, որը չունի որևէ չկատարված պարտավորություն աղբահանության վճարների մասով, վերջինս ժամանակին եւ պատշաճ կարգով կատարում է համապատասխան վճարումները։
«Հաշվի առնելով այն հանգամանքը, որ Դալմա Ինվեստ ՍՊԸ-ն հանդիսանում է առևտրի իրականացման վայրի կազմակերպիչ և «Դալմա Գարդեն մոլի» տարածքը հիմնականում հանձնված է վարձակալության տարբեր տնտեսվարող սյուբեկտների, նրանք են օգտագործում տվյալ տարածքները, նրանցից յուրաքանչյուրը հանդիսանում է առանձին և ինքնուրույն սուբյեկտ կոմունալ ծառայությունների, այդ թվում՝ աղբահանության մասով»,- նշված է ընկերության կողմից տրամադրված պարզաբանման մեջ:
Միաժամանակ փոխանցել են, որ ՍՊԸ-ն տեղեկատվություն չունի տնտեսվարողների չկատարված պարտավորությունների վերաբերյալ:
