30.08.2026 | 23:44
Վաղարշապատում կինը դանակահարել է 43-ամյա տղամարդուն․ նա մահացել է. ՆԳՆ
Անգելինայի սրտի վիրահատությունը բարեհաջող ավարտվեց. Արսեն Թորոսյան
Հասարակություն
09.03.2020 | 10:01
ՀՀ առոցջապահության նախարար Արսեն Թորոսյանը ֆեյսբուքի իր էջում գրել է, որ Անգելինայի սրտի վիրահատությունը բարեհաջող է ավարտվել:
«Անգելինայի ամբողջ գիշեր տևած սրտի վիրահատությունը բարեհաջող ավարտվեց՝ շնորհիվ Նորք-Մարաշ ԲԿ սրտային վիրաբույժներ Հրայր Հովակիմյանի և Գագիկ Հեբոյանի և ամբողջ բժշկական անձնակազմի։
Սա մի մեծ քայլ էր հայկական սրտային վիրաբուժության համար և կյանքը փրկելու անփոխարինելի հույս Անգելինայի համար։ Բժիշկները շարունակում են ամեն ինչ անել, որ երեխան հաղթահարի բոլոր առողջական խնդիրները։
Շնորհակալություն բոլորին, ով իր լուման ներդրեց այս վեհ գործում»,- ֆեյսբուքի իր էջում գրել է Թորոսյանը:
Հիշեցնենք, որ 2 օր առաջ նախարարը սոցցանցի իր էջում գրել էր.
«Տեղեկացա, որ հավաքվել է փոքրիկ Անգելինայի սրտի վիրահատության գումարի 70%-ը։
Մնացած 30.000$-ը իմ հրամանով կտրվի պետական բյուջեից։
Վիրահատությունը կարվի Նորք-Մարաշ ԲԿ-ում մոտակա 1-2 օրվա ընթացքում։ Նման վիրահատություն Հայաստանում կատարվելու է առաջին անգամ։
Առողջություն եմ ցանկանում հրաշք փոքրիկին»
